Прайшлі чарговыя мітынгі ў падтрымку міру, бяспекі і спакою

Па залатым коле Міншчыны

29 жніўня ад мемарыяльнага комплексу «Курган Славы» стартаваў аўтапрабег «За моцную і квітнеючую Беларусь».

Маршрут пралёг па другой Мінскай кальцавой дарозе, якая праходзіць па тэрыторыі Чэрвеньскага, Пухавіцкага, Дзяржынскага, Стаўбцоўскага, Уздзенскага, Валожынскага і Маладзечанскага раёнаў. Удзельнікі акцыі праехалі 180 кіламетраў па так званым «залатым кольцы Міншчыны». Паступова дарогай да калоны далучаліся іншыя аўтамабілісты. У выніку да фінішу прыбыло больш за тысячу машын.

Таццяна ЛАЗОЎСКАЯ

За ўласны погляд!

Мітынг у падтрымку міру, бяспекі і спакою прайшоў каля сцен пасольства Літоўскай Рэспублікі ў Мінску.

Рабочая моладзь, актывісты БРСМ, нават звычайныя мінакі, што праходзілі па сваіх справах, далучыліся да акцыі, якая прайшла ў сталіцы 31 жніўня перад будынкам пасольства Літвы ў падтрымку ўласнага пункту гледжання, палітыкі сваёй краіны без умяшання з боку суседніх дзяржаў у яе ўнутраныя справы. Па паведамленнях відавочцаў, з дзяржаўнай сімволікай і плакатамі тут сабралося больш за сто чалавек. Акцыя доўжылася амаль гадзіну, пасля чаго ўдзельнікі мітынгу разышліся.