Вы тут

Залаты верасень будзе крыху цяплей звычайнага


Верасень — лепшы час для адпачынку ў розных айчынных санаторыях, на прыватных пікніках або проста ў выездах на дачы.  У першы месяц восені менавіта ў нас можна ўбачыць, як дрэвы пачынаюць мяняць сваё летняе «адзенне». Да таго ж сёлета мы паспеем як след атрымаць асалоду ад апошняга цёплага прамення.


Пачаткам восені ў кліматалогіі лічыцца ўстойлівы пераход сярэднясутачнай тэмпературы паветра праз адзнаку ў плюс 14 градусаў у бок паніжэння. У сярэднім па краіне гэты пераход адбываецца ў першай дэкадзе верасня. Сёлета пачатак верасня ў Беларусі апынецца досыць кантрасны. Цяплей за ўсё будзе па паўднёвым усходзе (у дзённыя гадзіны ад плюс 25 да 31 градуса) , на астатняй тэрыторыі краіны тэмпература паветра ўдзень будзе знаходзіцца ў межах 18—24 градусаў, а ў сярэдзіне першага тыдня месяца па захадзе краіны пры дажджлівым надвор'і дзённыя максімумы не перавысяць адзнаку ў плюс 15 градусаў, паведамляюць спецыялісты ў Белгідрамеце.

Беларускія спецыялісты лічаць, што верасень чакаецца цяплейшы, чым звычайна. Ападкі прагназуюцца ў межах нормы. Зацяжных дажджоў не прагназуецца.

Як правіла, у нашай краіне дзённая тэмпература паветра ў сярэдзіне верасня вагаецца ў межах плюс 12—16 градусаў. Начная тэмпература — 5—12 цяпла. Максімальна ўдзень — 26 градусаў цяпла, а мінімальна ўначы — плюс 2—4 градусы. У сярэднім колькасць ападкаў за дзень складае 27,4 мм. Пераважна ў другой палове месяца надвор'е ўжо прахалоднае і малавоблачнае.

Бліжэй да кастрычніка адчуваецца набліжэнне першай хвалі восеньскага пахаладання. У апошні тыдзень верасня звычайна мае месца істотнае паніжэнне тэмпературы на 3—7 градусаў. На большай частцы тэрыторыі Беларусі пачынаюцца замаразкі.

Сяргей КУРКАЧ

Выбар рэдакцыі

Палітыка

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

У Маскве адбылася сустрэча і перагаворы кіраўніка нашай краіны з яго калегам Уладзімірам Пуціным.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...

Грамадства

Брагінскія кавуны з прыстаўкай «эка-»

Брагінскія кавуны з прыстаўкай «эка-»

На Гомельшчыне актыўна рэалізоўваюцца праекты па развіцці тэрыторый, пацярпелых у выніку катастрофы на ЧАЭС. 

Грамадства

Дружыннікі выходзяць на дзяжурства... А разам з імі — і карэспандэнт «Звязды»

Дружыннікі выходзяць на дзяжурства... А разам з імі — і карэспандэнт «Звязды»

Кожны замацаваны за сваім участковым, у кожнага свая зона адказнасці.