Вы тут

Імпрэза ў гонар Перамогі


З удзелам суполкі “Мара” ды ансамбля “Паўлінка” 15 жніўня прайшоў у Ліепаі святочны вечар у гонар 75­годдзя Перамогі ў Вялікай Айчыннай вайне


Святочную імпрэзу ў канцэртнай зале “Ліелайс дзінтарс” (“Вялікі бурштын”) арганізавала Генконсульства Расіі ў Ліепаі пры падтрымцы Урада Масквы. У эмацыйнай прамове Генеральны консул Аляксей Беланосаў адзначыў, што сёння як ніколі раней зразумела: наша барацьба за праўду пра вайну, за памяць пра агульны подзвіг народаў былога СССР — гэта барацьба не толькі за мінулае, але ў першую чаргу за нашу мірную сучаснасць і будучыню.

На канцэрце выступіў ансамбль беларускай песні “Паўлінка” Беларускай суполкі “Мара”. Гучалі песня пра вайну на беларускай мове й песня “Пажаданне”: як пажаданне міру Беларусі ды яе народу. А Валянціна Абатурава, даўняя ўдзельніца “Паўлінкі”, выступіла сольна. Гасцей парадавалі яшчэ спявачка Мар’яна Матвеева, мясцовыя ансамблі ўкраінскай песні “Барвинок” і “Славянская душа”, рускі фальклорны гурт “Ярило”.

Кіраўніца “Паўлінкі” Жанна Буйніцкая дзякавала ветэранам за тое, што яны падарылі нам 75 гадоў мірнага жыцця. Нагадала: мы — нашчадкі пераможцаў, беларусаў-вызваліцеляў, родам з краіны, якая страціла ў вайне кожнага трэцяга жыхара. З ветэранаў, якія вызвалялі Беларусь ад нямецка-фашысцкіх захопнікаў, на свяце была Ганна Дзям’янаўна Астапава: пра яе мы пісалі ў сёлетнім 14-м нумары газеты.

Анжэла Фаміна, г. Ліепая

Выбар рэдакцыі

Здароўе

Мароз і сэрца: што такое халадовы інфаркт, каму ён пагражае і як яго пазбегнуць?

Мароз і сэрца: што такое халадовы інфаркт, каму ён пагражае і як яго пазбегнуць?

Расказала ўрач-тэрапеўт, загадчык аддзялення прафілактыкі 11-й гарадской паліклінікі Мінска Святлана ЯНУШКА.

Спорт

Алег Шэпель: Сусветны паралiмпiйскi рух многае страцiў ад нашай iзаляцыi

Алег Шэпель: Сусветны паралiмпiйскi рух многае страцiў ад нашай iзаляцыi

Гiсторыя паралiмпiйскага спорту — паказчык развiцця краiны.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​