У пятніцу на плошчы Дзяржаўнага сцяга ў Мінску 437 першакурснікаў Акадэміі МУС прынеслі прысягу. Курсанты, якія стаялі ў страі, былі накіраваныя на вучобу рознымі ведамствамі. Акрамя падначаленых Міністэрства ўнутраных спраў тут рыхтуюцца спецыялісты для Дэпартамента фінансавых расследаванняў Камітэта дзяржаўнага кантролю і Дзяржаўнага камітэта судовых экспертыз.
Сярод тых, хто павіншаваў курсантаў з гэтым днём, быў міністр унутраных спраў Юрый Караеў. У размове з журналістамі ён адзначыў, што «гэта асаблівы прызыў у міліцыю».
— Хлопчыкі і дзяўчынкі свядома прыйшлі не толькі для таго, каб асвоіць прафесію, але і абараніць дзяржаву ў няпросты час. Кожны, хто хоць раз надзеў пагоны, памятае, што ён адказвае за дзяржаву. А вось перад мірнай і спакойнай краінай паўстала незвычайная задача — абараніць дзяржаўнасць — некалькі дзясяткаў чалавек пачалі вагацца. Гэтыя ж сотні маладых хлопцаў і дзяўчат прыйшлі на службу для свайго народа, свядома зрабіўшы свой выбар.
Курсанты будуць вучыцца чатыры гады. Перад тым у жніўні прайшоў вучэбны збор, дзе іх пазнаёмілі з азамі прафесійных ведаў.
Аляксандр КАВАЛЁЎ
Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?
Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава
Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.
Як не быць алімпійскім чэмпіёнам, але быць героем спорту.
