Вы тут

На Гродзеншчыне стартаваў чэлендж #ГоднаеРоднае


Арганізатары яшчэ раз нагадаюць аб семантыцы дзяржаўнай сімволікі Беларусі. А далучыцца да праекта зможа кожны жыхар Гродзенскай вобласці. Як гэта зрабіць?


Ідэя ў кожнага можа быць свая. Па словах галоўнага спецыяліста ўпраўлення культуры аблвыканкама Ірыны Жук-Куніцкай, спосабы самыя розныя. Хтосьці можа расказаць сваімі словамі, запісаць відэаролік, скласці верш, намаляваць карціну ці зрабіць фотаздымак. Крэатыў і разнастайнасць вітаюцца. Галоўнае, данесці свае адносіны да дзяржаўнага сцяга ў кантэксце яго палітры.

— Кожны грамадзянін павінен даражыць нацыянальнымі сімваламі дзяржавы, у якой жыве, ведаць іх семантыку. Калі чалавек разумее значэнне кожнага элемента і колеравай гамы дзяржаўных герба і сцяга, тады ён будзе больш асэнсавана іх успрымаць і ганарыцца гэтымі сімваламі, разумець, наколькі яны блізкія яго сэрцу, — кажа Ірына Жук-Куніцкая.

Па словах суразмоўніцы, гродзенцы сталі праяўляць інтарэс да новага праекта і дасылаць свае работы. Прыклад паказалі арганізатары — прадстаўнікі сістэмы адукацыі і культуры вобласці. Не засталіся ўбаку і бібліятэкары. У рамках чэленджа яны запускаюць свой падпраект #Сцягlіne. Дарэчы, па ініцыятыве чытачоў бібліятэкі імя Карскага. Умовы простыя: чытачы падбіраюць цытату з любой кнігі, якая адлюстроўвае іх погляд ці асацыяцыю з колерамі дзяржаўнага сцяга. Аўтарскія работы будуць размешчаны на сайце ўпраўлення культуры аблвыканкама і ў яго Telegram-канале.

Маргарыта УШКЕВІЧ

Загаловак у газеце: Крэатыў вітаецца!

Выбар рэдакцыі

Грамадства

«Тут быў...» Што пісалі пяцьсот гадоў таму на сценах і камянях

«Тут быў...» Што пісалі пяцьсот гадоў таму на сценах і камянях

Іна Калечыц — першы і пакуль адзіны спецыяліст у Беларусі, які займаецца эпіграфікай.

Культура

Яго псеўданім быў нават запісаны ў пашпарце. Некалькі гісторый пра творы вядомага сатырыка Кандрата Крапіву

Яго псеўданім быў нават запісаны ў пашпарце. Некалькі гісторый пра творы вядомага сатырыка Кандрата Крапіву

«Хто сустрэўся быў са мною, Дакрануўся раз ці два, Дык той ведае ўжо, хто я:

Грамадства

Які хлеб любяць у Беларусі?

Які хлеб любяць у Беларусі?

У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.