Вы тут

Сівец: Змены не павінны адбывацца пад ціскам, праз вуліцу


«Шлях па змене грамадска-палітычнага ладу дзяржавы праз вуліцу — контрпрадуктыўны і накіраваны на падрыў суверэнітэту і незалежнасці Беларусі», — лічыць старшыня Пастаяннай камісіі па заканадаўстве і дзяржаўным будаўніцтве Савета Рэспублікі Сяргей СІВЕЦ.


На яго думку, падзеі, якія адбыліся за апошнія тыдні ў нашай краіне, многія палітолагі і эксперты характарызуюць як спробу дзяржаўнага перавароту, «каляровую рэвалюцыю» ці гібрыдную вайну. Сапраўды, усё тое, што адбываецца і ўнутры краіны, і за яе межамі практычна з пачатку электаральнай кампаніі па выбарах Прэзідэнта мае прыкметы грубага і непрыкрытага ўмяшання ў справы суверэннай і незалежнай дзяржавы з боку сумежных краін, перш за ўсё Польшчы і прыбалтыйскіх дзяржаў. На працягу ўжо некалькіх месяцаў не спыняецца інфармацыйна-прапагандысцкі ціск на грамадзян нашай краіны і органы дзяржаўнай улады і кіравання, праваахоўныя органы, мэтай якога з'яўляецца дэстабілізацыя грамадска-палітычнай сітуацыі ў краіне, параліч улады і ў канчатковым выніку ўнясенне і паглыбленне расколу ў беларускім грамадстве, а таксама гвалтоўны злом існуючага дзяржаўнага ладу.

Вядомыя Telegram-каналы і іншыя інфармацыйныя рэсурсы, якія знаходзяцца на тэрыторыі названых вышэй краін і фінансуюцца імі, старанна і мэтанакіравана раздзімаюць сацыяльна-палітычны канфлікт у беларускім грамадстве, заклікаюць да псіхалагічнага і фізічнага ціску на прадстаўнікоў органаў правапарадку, дзяржаўных служачых, дэпутатаў, педагогаў, супрацоўнікаў афіцыйных сродкаў масавай інфармацыі.

Рухаючай сілай пратэстаў на дадзеным этапе выступленняў архітэктары беламайдана абралі моладзь, што ўпісваецца ў класічны алгарытм ажыццяўлення «каляровай рэвалюцыі» (дастаткова ўспомніць «бульдозерную рэвалюцыю» ў Югаславіі, «рэвалюцыю ружаў» у Грузіі, «аранжавую рэвалюцыю» ва Украіне і г. д.). Гэтая частка грамадства максімальна схільная да інфармацыйнага ўплыву і каардынацыі праз інтэрнэт. Менавіта маладзёжнае асяроддзе як аголены нерв рэагуе на распаўсюджванне навін (часта адкрыта фэйкавых, якія не адпавядаюць рэчаіснасці), якія дыскрэдытуюць дзеючую ўладу і падахвочваюць да пратэстаў і супрацьстаяння з ёй.

Выходзячы на пратэстныя акцыі, маладыя людзі ў большасці сваёй шчыра перакананыя, што сваімі дзеяннямі, у тым ліку тымі, якія парушаюць заканадаўства і грамадскі парадак, яны становяцца на абарону ідэалаў дэмакратыі, правоў і свабод чалавека, выступаюць супраць дыктатуры і несправядлівасці. У рэальнасці ж яны выступаюць аб'ектам маніпуляцый з боку ідэолагаў і сцэнарыстаў чарговай «каляровай рэвалюцыі», закліканай ажыццявіць дэмантаж існуючага дзяржаўнага і палітычнага ладу і забяспечыць неканстытуцыйную перадачу ўлады палітычнай сіле, якая падкантрольная і знаходзіцца ў поўнай залежнасці ад вонкавага ўплыву. Гісторыя ўсіх без выключэння «каляровых рэвалюцый», якія адбыліся з канца ХХ стагоддзя і па сённяшні дзень, сведчыць аб дэструктыўным характары іх наступстваў як для дзяржавы, так і для яе грамадзян: грамадства апускаецца ў асяроддзе палітычнай турбулентнасці і бясконцай барацьбы за ўладу, як правіла, паміж радыкальна настроенымі палітычнымі сіламі, адбываецца злом сацыяльна-эканамічнай сістэмы, і тысячы людзей аказваюцца без крыніц і сродкаў да існавання, дзяржава становіцца няздольнай выконваць умовы сацыяльнага кантракту ў адносінах да неабароненых слаёў насельніцтва (непрацаздольныя, асобы з абмежаванымі магчымасцямі, сіроты, шматдзетныя сем'і і г. д.). Прыкладаў гэтаму нямала, у тым ліку і на постсавецкай прасторы.

Рэспубліка Беларусь, безумоўна, будзе мяняцца, і яна ўжо змяняецца разам з усім прагрэсіўным чалавецтвам. Але змены гэтыя не павінны адбывацца пад ціскам, праз вуліцу, праз злом усяго таго, што стваралася намаганнямі людзей сярэдняга і старэйшага пакаленняў на працягу трох дзясяткаў гадоў. Перамены маюць быць накіраваныя на захаванне, развіццё і ўмацаванне беларускай дзяржаўнасці на аснове новага грамадскага дагавору, які адлюстроўвае інтарэсы большасці грамадзян нашай краіны, які будзе распрацаваны і прыняты ў бліжэйшы час у рамках канстытуцыйна-прававой рэформы. Менавіта ў гэтым заключаецца цывілізаваны падыход да вырашэння назапашаных у грамадстве праблем, які дасць магчымасць эфектыўна супрацьстаяць сцэнарыю «каляровай рэвалюцыі» па развалу дзяржавы і ў той жа час дазволіць перайсці нашай краіне на новы эвалюцыйны ўзровень свайго грамадска-палітычнага развіцця.

Выбар рэдакцыі

Эканоміка

На якіх банкаўскіх укладах заробіш больш

На якіх банкаўскіх укладах заробіш больш

Самыя вялікія працэнты — у рублёвых дэпазітах.

Грамадства

Які глыбінны сэнс змяшчае фраза «Хрыстос уваскрос!»

Які глыбінны сэнс змяшчае фраза «Хрыстос уваскрос!»

Вялікдзень для хрысціян — сімвал і сведчанне перамогі жыцця над смерцю.

Грамадства

​Жыхары Кобрына аднавілі бабуліну хату ў вёсцы і ствараюць аграсядзібу

​Жыхары Кобрына аднавілі бабуліну хату ў вёсцы і ствараюць аграсядзібу

Яшчэ некалькі гадоў таму Людміла і Уладзімір Жарын былі звычайнымі жыхарамі райцэнтра.