Вы тут

Пакет з прапановамі з мэтай сацыяльна-эканамічнай абароны работнікаў падрыхтаваны ФПБ


Пакет з прапановамі з мэтай сацыяльна-эканамічнай абароны работнікаў падрыхтаваны Федэрацыяй прафсаюзаў Беларусі (ФПБ) і падтрыманы Міністэрствам працы і сацыяльнай абароны.


Важным кірункам старшыня ФПБ Міхаіл Орда і міністр Ірына Касцевіч лічаць прыняцце дадатковых мер па пытаннях матэрыяльнай адказнасці работнікаў у частцы спагнання з работнікаў грошай на штрафы, якія атрымалі кіраўнікі прадпрыемстваў. Забарона на гэтае дзеянне прадугледжана змяненнямі ў Працоўны кодэкс Беларусі, якія дзейнічаюць сёлета са студзеня. Аднак судовыя рашэнні, што ўступілі ў сілу да пачатку дзеяння новага кодэкса, працягваюць рэалізоўвацца, і з людзей вылічваюць значныя сумы ў лік штрафу кіраўнікоў. Такі падыход неабходна скарэкціраваць і вызваліць работнікаў ад гэтых выплат, упэўнены кіраўнікі Мінпрацы і ФПБ. Адпаведную прапанову па змене заканадаўства плануецца ў найбліжэйшы час унесці ва ўрад.

Пэўныя прапановы датычацца і асаблівасцяў работы ва ўмовах пандэміі, другая хваля якой, як мяркуецца, неўзабаве закране Беларусь. Каб прадухіліць заражэнне супрацоўнікаў на месцах, неабходна ўмацаваць гібкасць працоўнага заканадаўства. З гэтай мэтай плануецца зацвердзіць права наймальніка даваць работніку, які кантактаваў з захварэлымі ці прыбыў з рэгіёнаў з павышанай рызыкай заражэння, з яго згоды адпачынак цягам да 15 каляндарных дзён для знаходжання ў самаізаляцыі з захаваннем заробку ў памеры не ніжэй як дзве траціны тарыфнага акладу, паведамляе БелТА.

Міністр працы і старшыня ФПБ асабліва падкрэслілі неабходнасць магчымасці наймальніку ствараць з асобных катэгорый работнікаў «падменны працоўны рэзерв» на выпадак інфіцыравання асноўнага персаналу. Мяркуецца таксама нарматыўна замацаваць права работадаўца даваць работніку з яго згоды адпачынак для самаізаляцыі ва ўмовах абавязковага знаходжання ў месцы, якое абярэ наймальнік. Пры гэтым захаваецца заробак работніка ў памеры не менш за ўстаноўлены яму тарыфны аклад, калі іншае не прадугледжана калектыўным дагаворам ці пагадненнем.

Механізмы рэалізацыі прапанаваных мер пакуль прапрацоўваюцца з галіновымі міністэрствамі і ведамствамі.

Ірына СІДАРОК

Загаловак у газеце: Права на самаізаляцыю і падменны працоўны рэзерв

Выбар рэдакцыі

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.

У свеце

Блуканне па кілаватах. Чаму Літва загнала Прыбалтыку ў энергетычную яму?

Блуканне па кілаватах. Чаму Літва загнала Прыбалтыку ў энергетычную яму?

Для краін Балтыі ралі цэн на электрычнасць стала ўжо амаль звыклай справай. 

Культура

Дзе Якуб Колас сустрэўся з ваўком і чаму дзядзька Антось быў самотны

Дзе Якуб Колас сустрэўся з ваўком і чаму дзядзька Антось быў самотны

Трэцяга лістапада — дзень нараджэння класіка. 

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.