Вы тут

Гатуем ткемалі з алычы і вяленыя памідоры


Ткемалі з алычы

Грузінскія соусы па праву лічацца аднымі з самых смачных у свеце. Традыцыйны для каўказскай кухні соус ткемалі выдатна спалучаецца са стравамі з мяса. Ён валодае насычаным, злёгку кіславатым смакам, выгадна адцененым водарам спецый. Прыгатаваць класічны ткемалі з алычы або слівы лёгка можна і ў хатніх умовах.

Спатрэбіцца: сліва або алыча — 1 кг, часнок — 1 галоўка (невялікая), перац чырвоны пякучы — 1/3-1 стручок (у залежнасці ад вастрыні), кінза — 20 г (лісце), мята — 20 г (свежага лісця ці 1 ч. л. сушанага), кроп свежы — 20 г (зеляніна без хвосцікаў), пятрушка — 20 г (без хвосцікаў), каляндра молатая — 0,5 ч. л., хмелі-сунелі — 0,5 ч. л., соль — 1,5 ч. л., цукар — 4 ч. л.

Старанна прамываем сліву або алычу, заліваем халоднай вадой і даводзім да кіпення. Пасля закіпання варым 15—20 хвілін на маленькім агні. Зліваем у асобны посуд слівавы адвар. Ён яшчэ можа спатрэбіцца для развядзення соусу.

Сліву або алычу пераціраем праз сіта. Зяленіва мыем, выдаляем хвосцікі. Лісцікі зяленіва і перац дробна сячом нажом. Часнок прапускаем праз прэс або здрабняем нажом. Колькасць часнаку і перцу лепш карэктаваць на свой смак у залежнасці ад жаданай вастрыні. Тое ж датычыцца і зяленіва.

Калі вам не падабаецца пах кінзы, можаце паменшыць яе колькасць або зусім выключыць з рэцэпту. У сатэйнік ці каструлю выкладваем слівавае пюрэ, даводзім да кіпення і пратушваем 10 хвілін.

Дадаём цукар, соль і спецыі. Тушым яшчэ пяць хвілін. Калі пюрэ стала занадта густым, можна разбавіць яго невялікай колькасцю слівавага адвару. Дадаём у соус здробненае зяленіва, часнок і перац. Тушым яшчэ хвілін пяць-сем, спрабуем на смак. Калі соус занадта кіслы, можна павялічыць колькасць цукру.

Гатовы соус можна ўжываць адразу ці разліць па пастэрызаваных слоіках і закатаць. Захоўваць соус лепш у халодным месцы.


Вяленыя памідоры

Спатрэбіцца: таматы дробныя мясістыя — 1,5 кг, соль, цукар — 1 ч. л., сумесь перцаў, часнок — 2 зубчыкі, сухі базілік або чабор, алей аліўкавы — 5-6 ст. л.

Памідоры вымыць, абсушыць, разрэзаць на палавінкі, выдаліўшы пладаножку. Бляху заслаць фольгай, каб менш мыць (бліскучым бокам уверх).

Раскласці палавінкі памідораў зрэзам уверх, пасаліць, пасыпаць перцам і сухім базілікам (можна іншай рэзкай травой — напрыклад, чаборам) і трохі пасыпаць цукрам. Асабліва, калі таматы не з паўднёвых зямель. Паліць памідоры з лыжкі аліўкавым алеем.

Выціснуць праз прэс два зубчыкі часнаку і адвольна раскідаць па памідорах. Запякаць пры 150 °С прыкладна 3-3,5 гадзіны. Калі памідоры будуць гатовыя, гарачымі шчыльна скласці ў слоік.

З заяўленай колькасці атрымліваецца паўлітровы слоік. Алей, які застаўся на блясе, выліць у слоік, закруціць шчыльна вечкам і паставіць у гарачую духоўку на 30 хвілін. Атрымліваецца нешта накшталт сухой стэрылізацыі, так бы мовіць, «кантрольны стрэл», каб слоікі прагрэліся.

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.