Вы тут

Народны лекар


Семдзесят гадоў у адным населеным пункце — у вёсцы Покрашава Слуцкага раёна, у адным і тым жа будынку (даваенным), у адным кабінеце, а галоўнае, на адной пасадзе, а менавіта — фельчарам працуе найстарэйшы жыхар вёскі Сяргей Шклярэўскі. Ці магчыма такое ў наш час?


Покрашаўскі фельчар каля свайго старэнькага ФАПа.

Сёлета Сяргею Іванавічу «стукнула» дзевяноста два гады. Можна без перабольшвання сказаць, што медык не проста працуе, а аддана служыць сваёй дакладна абранай прафесіі, свайму прызванню, і, вядома, сваім аднавяскоўцам і землякам. Шклярэўскі паказаў і паказвае, што такое характар і стыль жыцця вясковага лекара — сапраўднага, народнага. Паверце, такія прыклады сярод вясковых медыкаў яшчэ трэба пашукаць! Радзіма ацаніла шчырую працу фельчара, прысвоіўшы яму ў свой час званне Героя Сацыялістычнай Працы.

— Не ўяўляю сябе без справы і пакуль адчуваю ў сабе здароўе і цікавасць да жыцця з задавальненнем выконваю свае працоўныя абавязкі — праводжу прыёмы ды лячу хворых, гляджу немаўлят і старэйшых дзяцей, у ранейшыя часы сам і роды прымаў, — прыгадвае Сяргей Іванавіч.

Калі малады фельчар уладкаваўся на покрашаўскі ўрачэбны ўчастак (а гэта было ў далёкім 1949-м), ён абслугоўваў шмат вёсак, сярод якіх была і мая малая радзіма — вёска Вынісцы. І, калі я нарадзіўся, першым педыятрам у маім жыцці быў менавіта Сяргей Шклярэўскі.

Анатоль КЛЯШЧУК, фота аўтара

Выбар рэдакцыі

Грамадства

Хвойнае «жніво». Самыя халодныя месяцы года — гарачая пара для работнікаў лясгасаў

Хвойнае «жніво». Самыя халодныя месяцы года — гарачая пара для работнікаў лясгасаў

Калі вы думаеце, што светлыя лясы растуць самі па сабе, гэта вялікая памылка.

Калейдаскоп

100 гадоў Леаніду Шчамялёву. Як добра вы ведаеце жыццё і творчасць мастака? Тэст

100 гадоў Леаніду Шчамялёву. Як добра вы ведаеце жыццё і творчасць мастака? Тэст

Леанід Дзмітрыевіч стаў сапраўдным класікам беларускага жывапісу.