Вы тут

Ці можна лічыць папярэднія вынікі паскоранага развіцця Аршанскага раёна здавальняючымі?


Ці можна лічыць папярэднія вынікі паскоранага развіцця Аршанскага раёна здавальняючымі? Ці могуць даць высокую ацэнку зменам мясцовыя жыхары? Што з напрацаванага вопыту трэба абавязкова пераймаць іншым раёнам краіны? Гэтыя і іншыя важныя пытанні ўчора былі ў цэнтры ўвагі падчас наведвання раёна
прэм'ер-міністрам Раманам Галоўчанкам і членамі ўрада.


Кіраўнік урада наведаў шмат прадпрыемстваў, дзе рэалізуюцца мерапрыемствы ў рамках выканання Праграмы развіцця Аршанскага раёна. Іх усяго павінна быць рэалізавана каля ста.

У гарадскім пасёлку Балбасава прэм'ер-міністр азнаёміўся з будаўніцтвам мультымадальнага цэнтра «Брэміна-Орша». Тут ужо функцыянуе гіганцкі «корпус», куды з-за мяжы дастаўляюцца тавары для далейшай іх транспарціроўкі. Прадукцыю маркіруюць, афармляюць мытныя дакументы, калі трэба захоўваюць. Тавары з Еўропы ў Азію і наадварот праз «лагістычныя вароты» адпраўляюць і па чыгунцы. А ўвод у эксплуатацыю ўзлётна-пасадачнай паласы даўжынёй каля трох кіламетраў дазволіць выкарыстоўваць і паветраную транспарціроўку. Урачыстае адкрыццё запланавалі на пачатак лістапада. Паралельна з выкарыстаннем гэтай паласы вялікія перспектывы ў запраўцы палівам транспартных самалётаў. Пад Оршай могуць прызямляцца практычна без абмежаванняў крылатыя машыны розных габарытаў і класаў.

Капітальны рамонт узлётна-пасадачнай паласы, рэканструкцыя рулёжных дарожак, узвядзенне аб'ектаў дапаможнага прызначэння ажыццяўляецца ў рамках дзяржаўнай праграмы развіцця транспартнага комплексу Рэспублікі Беларусь на 2016—2020 гады.

Непадалёк знаходзіцца прадпрыемства па рамонце авіяцыйнай тэхнікі, якое таксама наведаў прэм'ер. У павільёне было нямала верталётаў з розных краін, якім беларускія майстры дадуць новае жыццё.

На ААТ «Аршанскі мясакансервавы камбінат» у цэнтры ўвагі было будаўніцтва новага цэха забою і перапрацоўкі мяса свіней і буйной рагатай жывёлы.

Перад пасяджэннем у Аршанскім райвыканкаме Раман Галоўчанка ў гутарцы з прадстаўнікамі СМІ падкрэсліў, што ў Аршанскім раёне былі створаны самыя льготныя ўмовы для таго, каб аздаравіць мясцовую эканоміку, паспрыяць павелічэнню інтарэсу да інвестыцый з боку прадстаўнікоў айчыннага і замежнага бізнесаў.

Падрабязнае вывучэнне зробленага ў адпаведнасці з указам Прэзідэнта і праграмай урада дазволіць распаўсюдзіць запатрабаванае жыццём для паскарэння развіцця ў іншых раёнах, дзе таксама распачалася «перазагрузка». Вельмі важна надаць імпульс для стварэння лепшых умоў у гарадскіх пасёлках. Галоўнае, каб там жылося не горш, чым у абласных цэнтрах.

На нарадзе вялося абмеркаванне не толькі ходу рэалізацыі праграмы. Але і прапаноў па магчымай яе карэкціроўцы. У прыватнасці, па тэрмінах рэалізацыі асобных мерапрыемстваў комплексу, аб'ёмаў і крыніц фінансавання.

Аляксандр ПУКШАНСКІ

Фота: БЕЛТА

Загаловак у газеце: Як ідзе перазагрузка?

Выбар рэдакцыі

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.