Прэзідэнт Беларусі Аляксандр Лукашэнка сёння пры прадстаўленні Андрэя Шведа на пасадзе генеральнага пракурора Беларусі выказаўся наконт грамадска-палітычнай сітуацыі ў краіне, паведамляе БЕЛТА.
«Мэта каардынацыйнага савета адна — асядлаць ўсе пратэстны і апазіцыйны рух і стаць над усімі. Гэта значыць, ідзе дзяльба ўлады. Ёсць спроба захапіць уладу, але шляхі розныя. На сённяшні дзень такая сітуацыя», — канстатаваў кіраўнік дзяржавы.
Ён адзначыў, што, нягледзячы на знешні ўплыў, і ўнутры краіны ёсць дастаткова арганізатараў і правадыроў адпаведнай палітыкі.
«Як бы ні кіравалі намі з-за мяжы, ўнутры нашай краіны дастаткова актыўных арганізатараў і правадыроў палітыкі гэтых Telegram-каналаў. Яны — дзясятнікі, сотнікі, тысячнікі — цытую: арганізоўваюць гэтыя пратэсты, арганізоўваюць загадзя. Многія, як суполкі на прадпрыемствах па 3 −5 чалавек, а дзесьці — па 10 на буйных прадпрыемствах, былі створаны да прэзідэнцкіх выбараў. Пасля парламенцкіх выбараў яны да гэтага рыхтаваліся, — адзначыў Аляксандр Лукашэнка. — Мы жылі ў спакойнай краіне і думалі, што так будзе і далей. А не! І сёння яны павылазілі».
Прэзідэнт падкрэсліў: работнікі пракуратуры павінны стаяць на варце закона, гарантуючы бяспечнае развіццё дзяржавы. «І ўсякія там каардынацыйныя саветы, іншыя арганізацыі ... І Канстытуцыйны суд, і генеральны пракурор у свой час (думаю, і ваш пункт гледжання такі) далі ацэнку гэтым каардынацыйным саветам, — сказаў ён. — Вы павінны прадпрымаць больш магутныя, вострыя меры пракурорскага рэагавання на падобныя дзеянні».
Паводле слоў Аляксандра Лукашэнкі, у рабоце органаў пракуратуры павінны быць папераджальна-прафілактычныя мерапрыемствы. «І яны павінны залежаць ад вастрыні сітуацыі. Сітуацыя вастрэйшая — вашы дзеянні таксама павінны быць вострымі», — адзначыў Прэзідэнт.
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
