Вы тут

Валерый Малашка: Заўсёды хочацца аналітыкі і грунтоўнасці


— А палове шостай раніцы я ўжо адкрываю навіны на сваім мабільніку і чытаю, што адбылося ў краіне, свеце. Газеты я часцей за ўсё прагортваю. Яны не могуць канкурыраваць з інтэрнэт-выданнямі ні па насычанасці, ні па аператыўнасці.

Мне падабаецца, што ў «Звяздзе» ў кожным нумары даецца цытата на першай старонцы. Можна даведацца, што чалавек думае, як ён рэагуе на тую ці іншую палітычную сітуацыю.

Мне цяжка разважаць пра адну газету, прасцей сказаць, што мяне прыцягвае ў перыёдыцы. Заўсёды вабіць палярнасць меркаванняў, розныя погляды на адну і тую ж сітуацыю. Цікавыя і літаратура, і мастацтва, і нацыянальныя пытанні, і рэлігійныя. І каб там было не проста, умоўна кажучы, пра Вялікдзень і тое, як трэба булкі пячы, а прысутнічала і нейкае асэнсаванне падзеі. Хочацца сур'ёзнасці, аналітыкі, грунтоўнасці. І не трэба саромецца паўтарацца. У кожнага часу свае словы, свой настрой, свае эмоцыі і ўспрыманне рэчаіснасці.

Мне цікавыя матэрыялы з медыйнымі асобамі, палітолагамі, кіраўнікамі вядомых арганізацый і прадпрыемстваў. Такое будзеш чытаць, як той казаў, ад вокладкі да вокладкі. Хочацца ведаць, што адбываецца ў нас, у Амерыцы, ва ўсім свеце, што думаюць пра нас беларусы замежжа, чым наогул яны жывуць у чужой для сябе краіне.

Апошнім часам у выданнях стала шмат розных фотаздымкаў з адных і тых жа мерапрыемстваў. Паглядзеў, і ўсё зразумела, што адбываецца, нават не трэба ўчытвацца ў тэкст. А вось чаго не хапае, дык гэта фінансавай аналітыкі, біржавых пытанняў. Ёсць цэлы пласт людзей, маладых, дарэчы, якім гэта не проста цікава, а неабходна, бо гэта іх работа. Без гэтага сёння не можа абысціся ні адна сур'ёзная газета. Мы ўсе разумеем, што толькі пры наяўнасці якаснага і запатрабаванага кантэнту газета мае шанц супрацьстаяць усім гэтым тэлеграм-каналам.

Нэлі ЗІГУЛЯ

Выбар рэдакцыі

Грамадства

«Чырвоная лінія» для дзвюх жанчын. Ці могуць свякрухі і нявесткі жыць дружна?

«Чырвоная лінія» для дзвюх жанчын. Ці могуць свякрухі і нявесткі жыць дружна?

Адносіны са сваёй маці і свякрухай — гэта дзве зусім розныя гісторыі. 

Грамадства

 Вольга Чамаданава: «Калі здарылася бяда — ідзіце туды, калі можаце дапамагаць — дапамагайце»

Вольга Чамаданава: «Калі здарылася бяда — ідзіце туды, калі можаце дапамагаць — дапамагайце»

Яшчэ нядаўна Вольга Чамаданава лічылася тварам беларускай міліцыі.

Палітыка

Крызіс на мяжы. Уся аператыўная інфармацыя на сераду (абнаўляецца)

Крызіс на мяжы. Уся аператыўная інфармацыя на сераду (абнаўляецца)

Аператыўная інфармацыя з беларуска-польскай мяжы.

Культура

Чаму на захадзе Беларусі «праклятыя салдаты» і сёння ўзгадваюцца з жахам?

Чаму на захадзе Беларусі «праклятыя салдаты» і сёння ўзгадваюцца з жахам?

Тэма антысавецкага падполля падчас ВАВ — складаная тэма ў гісторыі.