Вы тут

Беларусы чытаюць Уладзіміра Караткевіча


ААТ «Белкніга» падвяла вынікі продажу кніг у студзені—жніўні сёлетняга года. У рэйтынгу продажаў са ста назваў кніг на беларускай мове, выдадзеных у Беларусі, на першым месцы — «Гары Потэр і філасофскі камень» Дж. Роўлінг. Нашы суайчыннікі набылі ў «Белкнізе» 288 асобнікаў. Другое месца — за раманам «Каласы пад сярпом тваім» Уладзіміра Караткевіча (выдавецтва «Попурри»; у рамана — 203 пакупнікі).


Акрамя гэтага, у рэйтынгу продажаў — наступныя выданні твораў класіка беларускай літаратуры: на пятым месцы — «Дзікае паляванне караля Стаха» (таксама — «Попурри»; прададзена 176 асобнікаў), на дванаццатым месцы — «Чорны замак Альшанскі» (выдавецтва «Попурри», прададзена 107 асобнікаў). У сотню кніг рэйтынга лепшага продажу ўвайшлі яшчэ некалькі выданняў беларускага класіка. «Дзікае паляванне караля Стаха» (выдавецтва «Беларусь») набылі 32 пакупнікі. Яшчэ ў рэйтынгу — «Казкі» і «Хрыстос прызямліўся ў Гародні» У. Караткевіча (першая кніга — выданне «Беларускай Энцыклапедыі імя Петруся Броўкі»; другая — «Попурри»).

Хто яшчэ з класікаў найболей зацікавіў нашых пакупнікоў? У рэйтынгу «Белкнігі» вылучаюцца кнігі Васіля Быкава, Рыгора Барадуліна, Якуба Коласа, Вінцэнта Дуніна-Марцінкевіча, Івана Мележа. З сучасных пісьменнікаў беларусы болей чытаюць, калі меркаваць па продажах у «Белкнізе», творы Святланы Алексіевіч, Андрэя Федарэнкі, Віктара Марціновіча, Людмілы Рублеўскай, Алены Стэльмах, Валерыя Гапеева, Сяргея Чыгрына.

Сяргей ШЫЧКО

Прэв’ю: marketing.by

Выбар рэдакцыі

Палітыка

Аляксандр Лукашэнка: Беларусы былі і будуць адным народам

Аляксандр Лукашэнка: Беларусы былі і будуць адным народам

Прэзідэнцкі прыём праходзіць у Нацыянальным выставачным цэнтры «БелЭкспа».

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?