Вы тут

Незарэгістраваныя фонды: на свой страх і рызыку


Дзейнасць фондаў, што займаюцца зборам грошай у падтрымку асоб, якія ўдзельнічаюць у несанкцыянаваных масавых мерапрыемствах і іншых публічных акцыях у Беларусі, з'яўляецца незаконнай, сцвярджаюць у Міністэрстве юстыцыі.


Сваё меркаванне ведамства тлумачыць тым, што фонды, якія займаюцца зборам грошай на ўказаныя мэты, у краіне не зарэгістраваны. Між тым, каб палітычная партыя, грамадскае аб'яднанне або фонд маглі ажыццяўляць законную дзейнасць, яны павінны прайсці дзяржрэгістрацыю ў органах юстыцыі. Парадак і ўмовы дзейнасці фондаў рэгулююцца Указам Прэзідэнта ад 1 ліпеня 2005 года № 302 «Аб некаторых мерах па ўпарадкаванні дзейнасці фондаў», Грамадзянскім кодэксам і іншым заканадаўствам Беларусі.

Арганізацыя дзейнасці або ўдзел у рабоце фонду, які не прайшоў ва ўстаноўленым парадку дзяржрэгістрацыю, лічыцца незаконнай і з'яўляецца адміністрацыйным правапарушэннем, што мае вынікам штраф адпаведна з артыкулам 23.88 Кодэкса Беларусі аб адміністрацыйных правапарушэннях, адзначыў Аляксей ПЕЧКУРОЎ, намеснік начальніка ўпраўлення па пытаннях некамерцыйных арганізацый Міністэрства юстыцыі Беларусі:

— Сёння ў краіне зарэгістравана 15 палітычных партый, 3025 грамадскіх аб'яднанняў і 224 фонды. Толькі за год у краіне з'явілася больш за паўсотні грамадскіх аб'яднанняў і каля дзесяці фондаў. Зарэгістраваныя ў Беларусі фонды ставяць сабе сацыяльныя, дабрачынныя, культурныя, адукацыйныя мэты, садзейнічаюць развіццю фізкультуры і спорту. Работа некаторых фондаў скіравана на дасягненне навуковых ці іншых грамадска карысных мэт. Заканадаўча зроблена ўсё, каб абсалютная большасць арганізацый, якія звяртаюцца ў рэгіструючыя органы, паспяхова праходзілі працэдуру дзяржрэгістрацыі.

Ва ўмовах грамадска-палітычнага становішча, якое склалася ў краіне апошнім часам, выпадкі размяшчэння інфармацыі пра з'яўленне фондаў, што збіраюць грошы, значна пачасціліся, як і пытанні грамадзян, наколькі можна давяраць такім арганізацыям.

— Дзейнасць падобных псеўдафондаў знаходзіцца па-за межамі прававога поля, — падкрэсліў прадстаўнік Мінюста. — У сувязі з гэтым адсутнічаюць дзейсныя механізмы празрыстасці і кантролю рухаў грашовых сродкаў, якія накіроўваюцца ў распараджэнне «фондаў». Гэта можа прыводзіць таксама да неправамернага ўзбагачэння людзей, якія маюць непасрэднае дачыненне да збору і размеркавання гэтых сродкаў.

Міністэрства юстыцыі лічыць малаверагодным усплёск стварэння новых палітычных партый у краіне як вынік хваляванняў, што адбываюцца цяпер у Беларусі, чым таксама цікавяцца беларусы, як сведчыць Аляксей Печкуроў:

— Павелічэнне колькасці дакументаў, якія падаюцца для дзяржрэгістрацыі палітычных партый, адбываецца, як правіла, перад выбарчымі кампаніямі ў прадстаўнічыя органы нашай дзяржавы. Гэта абумоўлена тым, што партыі маюць права вылучэння кандыдатаў у дэпутаты ў мясцовыя Саветы дэпутатаў і Палату прадстаўнікоў Нацыянальнага сходу. Аднак партыі не маюць права вылучаць кандыдатаў у прэзідэнты, таму звычайна ўзмацнення актыўнасці дзейнасці партый перад выбарамі прэзідэнта не назіраецца.

Ірына СІДАРОК

Загаловак у газеце: Незарэгістраваныя фонды: страчаныя грошы ці штраф за дзейнасць?

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.