Вы тут

Савіных: Рэзалюцыя Еўрапарламента — яркі прыклад катэгарычнасці і палітычнай высакамернасці


Старшыня Пастаяннай камісіі Палаты прадстаўнікоў па міжнародных справах Андрэй Савіных выступіў з заявай для прэсы ў сувязі з рэзалюцыямі Еўрапарламента і Вярхоўнай Рады Украіны, якія былі прынятыя 17 верасня 2020 года.


«Рэзалюцыя Еўрапейскага парламента з’яўляецца яркім прыкладам катэгарычнасці, тэндэнцыйнасці і палітычнай высакамернасці, — сказана ў тэксце першай з іх. — Сумна асэнсоўваць, што практыка прадуманых і ўзважаных дзеянняў, якія накіраваныя на ўмацаванне даверу і бяспекі ў Еўропе, саступае месца банальнаму палітыканству. Мы разглядаем гэтую тэндэнцыю як сістэмны крызіс, у якім знаходзіцца ўсе палітычныя інстытуты Еўрасаюза».

Учора еўрапарламентарыі прагаласавалі за прыняцце праекта рэзалюцыі, у якой аспрэчваюцца вынікі прэзідэнцкіх выбараў у Беларусі і «асуджаюцца беларускія ўлады за жорсткае падаўленне мірных пратэстаў». Прынятая рэзалюцыя носіць рэкамендацыйны характар, неабавязковая да выканання краінамі-членамі і інстытутамі ЕС.

Аналагічны дакумент быў прыняты Вярхоўнай Радай Украіны 15 верасня. Праект пастановы, тэкст якога быў апублікаваны на сайце Рады, зарэгістраваны пад № 3053.

«У сувязі з заявай Вярхоўнай рады Украіны мы перш за ўсё хочам сказаць, што ўкраінскі народ з’яўляецца брацкім народам, з якім нас звязваюць кроўныя вузы, шматвяковая гісторыя і блізкая дружба, — заявіў дэпутат. — На гэтым фоне пазіцыя Вярхоўнай рады Украіны наглядна дэманструе выраджэнне палітычнага інстытута, які знаходзіцца пад знешнім кіраваннем і ігнаруе нацыянальныя інстытуты ўласнай краіны. Гэта толькі ўмацоўвае трываласць беларускіх палітычных інстытутаў у іх супрацьстаянні знешнім сілам, якія бесцырымонна парушаюць наш суверэнітэт і права на выбар самастойнага шляху развіцця».

Вольга Мядзведзева

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.