У рамках святкавання Міжнароднага дня студэнцкага спорту на стадыёне Віцебскага дзяржаўнага ўніверсітэта імя П.М. Машэрава (пр-т Маскоўскі, 33, пачатак у 13.00) адбудуцца адкрытыя абласныя спаборніцтваў па Street Workout.
Як паведамілі ў Віцебскім абласным камітэце БРСМ, спаборніцтвы пройдуць у трох дысцыплінах: сілавы фрыстайл на турніку, сілавы фрыстайл на брусах і сілавое дваябор’е. Асобная намінацыя спаборніцтваў — устанаўленне Workout-рэкордаў Віцебскай вобласці. Усяго ў спаборніцтвах прымуць удзел больш за 50 маладых спартсменаў з Віцебскай вобласці і краіны.
«Сёння воркаўт культура і трэніроўкі на вулічных турніках і брусах даволі папулярныя сярод моладзі. Гэта вельмі крутая альтэрнатыва ўсім згубным звычкам, таму часцей за ўсё воркаўтам займаюцца хлопцы і дзяўчаты, якіх у першую чаргу цікавіць уласнае здароўе. А такія спаборніцтвы перш за ўсё матывуюць іх на новыя спартыўныя дасягненні», — распавёў другі сакратар абласнога камітэта БРСМ Уладзімір Бабічаў.
Арганізатарамі спаборніцтваў выступілі Віцебскі абласны камітэт БРСМ, упраўленні ўнутраных спраў і па ахове здароўя аблвыканкама, маладзёжнае спартыўнае грамадскае аб’яднанне «Федэрацыя воркаўт».
Сяргей РАСОЛЬКА
Прэв’ю: turnik-pro.com.ua
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».