Грамадскі транспарт у Мінску за восем месяцаў перавёз 417,3 млн чалавек

За студзень — жнівень 2020 года паслугамі гарадскога пасажырскага транспарту ў сталіцы скарысталіся 417,3 млн чалавек, што склала 80,2% у параўнанні з аналагічным перыядам мінулага года, паведамілі агенцтву «Мінск-Навіны» ў Галоўным статыстычным упраўленні сталіцы.

Пасажыраабарот за восем месяцаў 2020 года склаў 4 942,3 млн пасажыра-кіламетраў (63,2% да ўзроўню студзеня — жніўня 2019 г.).

Па выніках студзеня — жніўня 2020 года арганізацыі і індывідуальныя прадпрымальнікі ў сталіцы перавезлі 43,8 млн тон грузаў (93,5% у параўнанні з аналагічным перыядам мінулага года). Грузаабарот склаў 18,3 млрд тона-кіламетраў, ці 91,7% да адпаведнага перыяду 2019 года.

Прэв’ю: interfax.by