Вы тут

У Рызе — беларускі сход


На справаздачна-выбарчым сходзе Саюза беларусаў Латвіі старшынёй арганізацыі абрана Алёна Лазарава, ганаровым старшынёй — Валянціна Піскунова


Выступае ансамбль “Надзея” таварыства “Прамень” у Рызе. Мастацкая кіраўніца — Ларыса Люцко

29 жніўня ў Рызе, у Доме нацыянальных меншасцяў, прайшоў справаздачна-выбарчы сход Саюза беларусаў Латвіі (СБЛ), у якім прынялі ўдзел дэлегаты з розных гарадоў Латвіі, дзе працуюць беларускія таварыствы. На сходзе прысутнічаў Першы сакратар Амбасады Беларусі ў Латвіі Юры Колесаў.

З прэс-рэліза, дасланага ў рэдакцыю, вынікае, што з дакладам на беларускім сходзе выступіла старшыня СБЛ Валянціна Піскунова, якая прааналізавала працу Саюза ў 2017–2020 гадах. Адзначалася, што ва ўсіх суполках штогод праходзілі Дні беларускай культуры; праводзіцца конкурс даследчых прац “Беларусы Латвіі. Мінулае й сучаснасць”; рэалізаваны культурна-асветніцкі праект “Беларускі ручнік — традыцыйны элемент беларускай культуры”. Па-ранейшаму выходзіць газета беларусаў Латвіі “Прамень”; сябры суполак удзельнічаюць у спартыўных імпрэзах, наведваюцца з цікавымі творчымі праектамі адзін да другога ў госці.

Рэвізор СБЛ Любоў Аляксандрава адчыталася за фінансавую дзейнасць арганізацыі. Аб працы сваіх суполак распавялі старшыні, актывісты, выказаўшы свае пажаданні й прапановы: Алёна Лазарава (“Прамень”, Рыга), Валеры Амбросаў, Людміла Сінякова і Станіслаў Валодзька (усе з суполкі “Уздым”, Даўгаўпілс), Людміла Стэц (“Сузор’е”, Рэзэкнэ), Тамара Шульцэ (“Мара”, Ліепая), Анатоль Лісавец ды Ігар Ермакоў (“Крыніца”, Лудза), Наталля Бальшакова (“Спадчына”, Вентспілс), Лідзія Знотыня (“Узоры”, Ліваны) і чальцы рэдкалегіі газеты “Прамень” Іна Олесава й Алёна Міцкевіч.

Старшынёй Саюза беларусаў Латвіі абрана Алёна Лазарава, ганаровым старшынёй — Валянціна Піскунова. У новы склад праўлення СБЛ увайшлі Наталля Бальшакова, Тамара Шульцэ, Валеры Амбросаў, Людміла Сінякова, Анатоль Лісавец, Алёна Міцкевіч, Іна Олесава, Іна Янсанэ, Лідзія Знотыня.

Перад пачаткам сходу прайшоў канцэрт: беларускія народныя й аўтарскія песні выконвалі рыжскія беларускія ансамблі “Надзея” й “Вытокі”, салістка Людміла Сінкевіч.

Падрыхтаваў Іван Ждановіч

Нумар у фармаце PDF

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.