Вы тут

Спявайце, дзяўчаты!


Новыя арыгінальныя нацыянальныя сцэнічныя касцюмы бясплатна перадаюцца ў суполкі беларусаў за мяжой. Пра тое клапоцяцца супрацоўнікі апарата Упаўнаважанага па справах рэлігій і нацыянальнасцяў.


Нацыянальны касцюм, які перадалі ў Польшчу

Нядаўна па просьбе старшыні Галоўнага ўпраўлення Беларускага грамадска-культурнага таварыства ў Польшчы Яна Сычэўскага вышытыя беларускім арнаментам сукенкі былі перададзены ў вёску Грабаўку, што ў Беластоцкім павеце Беластоцкага ваяводства Польшчы. Дар з гістарычнай Бацькаўшчыны атрымала трыа сясцёр Астапчук (Ані, Олі ды Юліты), якія там жывуць. Дзяўчаты вельмі прыгожа спяваюць беларускія песні. Касцюмы зрабілі майстры з унітарнага прадпрыемства “Скарбніца”, што ў Мінску.

Як вядома, на захад ад Буга ў сілу гістарычных прычын спрадвеку жывуць дзясяткі тысяч беларусаў. І калектываў мастацкай самадзейнай творчасці там шмат. А БГКТ праводзіць у Польшчы вялікую культурна-асветніцкую работу сярод беларусаў даўно: з 1956 года. Старшыня таварыства Ян Сычэўскі — даўні сябра Беларусі. Летась на святкаванні 25-годдзя Рэспубліканскага цэнтра нацыянальных культур ён быў ушанаваны Нагрудным знакам Міністэрства культуры “За ўнёсак у развіццё культуры Беларусі”.

У апарат Упаўнаважанага па справах рэлігій і нацыянальнасцяў паступаюць просьбы ад творчых гуртоў беларусаў замежжа на пашыў сцэнічных касцюмаў. Звароты сістэматызуюцца, праводзяцца неабходныя кансультацыі: каб новыя строі былі артыстам да густу. Па замове дзяржустановы касцюмы шыюцца й бясплатна перадаюцца беларусам замежжа. Праз апарат Упаўнаважанага таксама набываюцца для іх кнігі беларускіх аўтараў, дзяржаўная сімволіка, сувеніры. Такая падтрымка суайчыннікаў за мяжой прадугледжана ў падпраграме “Беларусы ў свеце” Дзяржпраграмы “Культура Беларусі” на 2016–2020 гады. Толькі сёлета ў межах праграмы беларускія нацыянальныя сцэнічныя строі былі адпраўлены яшчэ ў Расію ды Грузію, выконваецца заказ і для Малдовы.

Ганна Лагун

Нумар у фармаце PDF

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.