Вы тут

У «Акадэмкнізе» адбылася прэзентацыя кнігі Інесы Плескачэўскай «Без жалезнай заслоны»


У «Акадэмкнізе» адбылася прэзентацыя кнігі Інесы Плескачэўскай «Без жалезнай заслоны». У зборнік увайшлі артыкулы, надрукаваныя ў газеце «СБ. Беларусь сегодня» з 2014 да 2019 года. Падчас работы над праектам аўтар наведала сем краін: Германію (былую ГДР), Чэхію і Славакію (былую Чэхаславакію), Венгрыю, Польшчу, Балгарыю і Румынію.


— Першапачатковая ідэя кнігі з'явілася недзе ў 2013 годзе. Калі мы жылі ў адзіным сацыялістычным лагеры, у той час існавалі брэнды, якія ўсе ведалі. Напрыклад, чэшскае піва або багемскі крышталь. Я вырашыла расказаць аб зменах у гэтых краінах, якія адбыліся пасля рэвалюцый 1989 года. Было цікава паглядзець, якія прадпрыемствы засталіся. Здавалася, што работа пойдзе лёгка, але я, канешне, памылялася. Немагчыма расказаць аб смерці некаторых прадпрыемстваў без асвятлення тых змен, якія адбыліся ў краінах усходняга блоку. Я пачала сустракацца з палітыкамі, эканамістамі, культурнымі дзеячамі. Хацелася, каб у праекце былі прадстаўлены розныя пакаленні. Цікава было прасачыць за тым, як змянялася свядомасць людзей, іх стаўленне да таго, што добра, а што дрэнна. Так мой праект пачаў разрастацца, — кажа Інеса Плескачэўская. — Самай складанай часткай работы была арганізацыя інтэрв'ю. Гэта заўсёды няпроста, калі ты знаходзішся ў адной краіне і дамаўляешся з чалавекам з іншай краіны. Мне вельмі дапамагло Міністэрства замежных спраў Рэспублікі Беларусь. Напрыклад, былы беларускі пасол у Германіі Андрэй Гіро дамовіўся з Эганам Крэнцам, апошнім генсекам Сацыялістычнай адзінай партыі Германіі, каб той адказаў на мае пытанні.

Падчас работы над праектам было зроблена амаль семдзесят інтэрв'ю. Аўтар падкрэслівае, што ў зборнік увайшлі размовы не толькі з медыйнымі асобамі, але і з простымі людзьмі. Выдавецкі дом «Звязда» друкуе кнігу паўтаратысячным тыражом.

Арына КАРПОВІЧ

Фота Яна ХВЕДЧЫНА

Загаловак у газеце: Гісторыя ў шчырых размовах

Выбар рэдакцыі

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...