Міністэрства аховы здароўя Расіі дало дазвол на правядзенне клінічных даследаванняў вакцыны супраць каранавіруса, якая была распрацавана Федэральным навуковым цэнтрам даследаванняў і распрацоўкі імунабіялагічных прэпаратаў імя М.П.Чумакова Расійскай акадэміі навук, паведамляе ТАСС са спасылкай на прэс-службу Міністэрства аховы здароўя.
У даследаваннях, якія пачнуцца ў бліжэйшы час у Кіраве, Санкт-Пецярбургу і Новасібірску, прымуць удзел больш за 3 тыс. добраахвотнікаў. Гэта будзе адпавядаць патрабаванням Сусветнай арганізацыі аховы здароўя і міжнародных рэгулятараў, што дасць магчымасць забяспечыць даследаванні дакладным аб’ёмам навуковых даных.
Добраахвотнікі атрымаюць усю інфармацыю пра магчымую карысць, рызыкі і нязручнасці, звязаныя з удзелам у даследаваннях. Пасля вакцынацыі грамадзяне будуць знаходзіцца ў ізаляцыі ва ўмовах стацыянара на працягу 16 дзён, іх стан будзе пад пастаянным кантролем урачоў. Плануецца, што клінічныя выпрабаванні будуць завершаны ў лістападзе бягучага года.
Прэв’ю: eadaily.com
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
