У Івацэвіцкім раёне ў дарожна-транспартным здарэнні пацярпелі матацыкліст і яго васьмігадовы сын, гаворыцца на старонцы ва УКантакце ДАІ УУС Брэсцкага аблвыканкама.
Аварыя здарылася 22 верасня каля 9.15 у вёсцы Выганашчы. Паводле папярэдняй інфармацыі, 51-гадовы мужчына выязджаў на матацыкле на праезную частку і не саступіў дарогу аўтамабілю «Форд Фіеста», з-за чаго транспартныя сродкі сутыкнуліся. Матацыкліста і яго сына з траўмамі шпіталізавалі.
Праводзіцца праверка. Высветлілася, што ў кіроўцы няма правоў на кіраванне матацыкла. Таксама ён перавозіў дзіця без шлема. У мужчыны ўзятая кроў на аналіз, каб высветліць, ці быў ён п’яны ў момант ДТЗ.
У Дзяржаўтаінспекцыі нагадалі, што кіраванне без правоў можа абярнуцца штрафам ад 5 да 20 базавых велічынь. Тым, хто садзіцца п’яным за руль, пагражае ад 50 да 100 БВ штрафу з пазбаўленнем на тры гады правоў. За паўторнае на працягу года парушэнне — крымінальная адказнасць і канфіскацыя транспартнага сродку.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
