Аляксандр Лакотка, дырэктар Цэнтра даследаванняў беларускай культуры, мовы i лiтаратуры Нацыянальнай акадэмii навук Беларусi: «Ужо даўно склалiся добрыя традыцыi супрацоўнiцтва са «Звяздой». Першае, вельмi важна тое, што матэрыялы ў газеце публiкуюцца на прыгожай беларускай мове. Па-другое, значная частка з iх прысвечана пытанням беларускай культуры, то-бок той сферы, з якой наш цэнтр працуе. Адметна, што ў газеце знаходзяць адлюстраванне памятныя даты з беларускай гiсторыi — падзеi, юбiлеi з дня нараджэння мастакоў, пiсьменнiкаў, дзеячаў культуры. Пастаянна друкуюцца ў «Звяздзе» паведамленнi пра нашы канферэнцыi, перыядычна ладзяцца круглыя сталы, прысвечаныя пытанням гiсторыi, культуры, мастацтва з удзелам супрацоўнiкаў НАН. Карэспандэнты выдання наведваюць наш цэнтр, музей старажытна-беларускай культуры, працуюць з нашымi фалькларыстамi, этнографамi. Крэда газеты на станоўчае, гуманiтарнае развiццё, фармiраванне сумленных адносiн памiж людзьмi — правiльнае.
Перыядычна ёсць матэрыялы, дыскусii на старонках выдання, прысвечаныя захаванню гiсторыка-культурнай спадчыны, нематэрыяльнай, духоўнай культуры. У нашым цэнтры ёсць значныя праекты, пра якiя варта было б расказаць чытачам. Напрыклад, з 2016 года з'явiлася традыцыя праводзiць хоць бы раз на год буйныя мiжнародныя навукова-культурныя мерапрыемствы. Так прайшлi, напрыклад, Мiжнародны кангрэс, прысвечаны беларускаму народнаму касцюму, з вялiкiм прадстаўнiцтвам замежных навукоўцаў, Мiжнародны форум беларускай казкi, сёлета ў анлайн-фармаце правялi другi Мiжнародны кангрэс беларускай культуры. На iм было прадстаўлена больш за 200 дакладаў з розных краiн, выдадзены зборнiк. А ў кастрычнiку падвядзём вынiкi рэспублiканскага конкурсу на найлепшы адвольны твор на беларускай мове.
Мерапрыемства праводзілася на добраахвотнай аснове.
Не выявіць ні секунды абыякавасці.
