Вы тут

Лукашэнка: Чаму мы заўсёды пакутуем ад гэтых санкцый?


Прэзідэнт Беларусі правёў перамовы з губернатарам Іркуцкай вобласці Ігарам Кобзевым.


Найперш падчас сустрэчы Аляксандр Лукашэнка павіншаваў губернатара з перамогай на выбарах з вялікай перавагай галасоў. «Працэнт даверу сібіракоў у вас шалёны. Добра, што вы далей ад Захаду, а тое і ў вас бы „каляровую“ рэвалюцыю зладзілі з-за вялікіх працэнтаў на выбарах. Я Уладзіміру Уладзіміравічу казаў, калі пасля выбараў мы сустракаліся, што вельмі салідна прайшлі выбары. Асаблівасць, што ўсе людзі, якіх ён прапаноўваў для выбрання, з вялікім працэнтам былі выбраны», — дадаў Прэзідэнт.

Ён выказаў меркаванне, што губернатары ўнеслі шмат у развіццё адносін паміж дзяржавамі. «Калі б не было вашага брата, губернатараў, у нас не было б увогуле адносін паміж Беларуссю і Расіяй. Асабліва апошні ельцынскі перыяд і ранні пуцінскі (усё ж не знікае адразу) мы вельмі сапсавалі адносіны наверсе. А губернатары выратавалі нашы адносіны», — падкрэсліў кіраўнік краіны.

Прэзідэнт пералічыў, што здабыткам Саюзнай дзяржавы сёння стала шырокая сетка міжведамасных кантактаў і сумесных органаў. «Мы вельмі многія пытанні сёння можам вырашаць, але не вырашаем. Нам трэба, каб нас хтосьці падагнаў нас. І гэта ў пэўнай ступені бяда, якая абрынулася на Беларусь у сувязі з „каляровымі“ рэвалюцыямі, прымусіла нас сур’ёзна паглядзець на нашы адносіны. Мы зразумелі, што нам няпроста ў гэтай сітуацыі, Беларусі і Расіі, мы ўбачылі, што мы можам абысціся без іх. Чаму мы заўсёды пакутуем ад гэтых санкцый?» — задаў рытарычнае пытанне Аляксандр Лукашэнка.

Ён адзначыў, што ў дзвюх краін самадастатковая эканоміка — добра развітыя і прамысловасць, і сельская гаспадарка, і навука. «Нам трэба сабрацца ў кучу. Намеціць агульныя планы і дзейнічаць у гэтым кірунку, забяспечваючы ўсім неабходным нашых людзей. Таму ваш прыезд для нас вельмі важны», — дадаў Аляксандр Лукашэнка.

Прэзідэнт назваў Іркуцкую вобласць «гігантам, апорнай вобласцю ў Сібіры» і сказаў, што многія практычныя пытанні ўжо вырашаліся, ім неабходна толькі надаць другое дыханне.

«Дзесьці нам проста неабходна страсянуцца, як ва Усоллі ў нас прадпрыемства з „Магілёўліфтмашам“. Там нейкія дробныя пытанні, я думаю, мы іх зможам вырашыць. Мабыць, на постсавецкай прасторы, гэта адзінае прадпрыемства, з якім вы можаце працаваць па замене ў такой колькасці і аб’ёме ліфтоў, — сказаў Прэзідэнт.  — І не толькі ліфты, а і горнашахтавае абсталяванне, грузавыя аўтамабілі. Я ведаю, што вы малайцы, грамадскі транспарт вы падтрымліваеце. Калі ласка — з аўтаномным ходам электробусы, падзарадзіўся і паехаў».

Аляксандр Лукашэнка працягнуў тэму, што беларусы надаюць электрычнаму транспарту шмат увагі, транспарту на газаматорным паліве. «Мы забяспечым доступ у любую кропку Беларусі, каб вы маглі паглядзець яшчэ раз і ўпэўніцца, што мы штосьці можам зрабіць для нашых сібіракоў, якія заўсёды карысталіся павагай у беларускага народу. Вы недалёка ад нас. Сёння кіламетры — гэта не адлегласць», — заявіў Аляксандр Лукашэнка.

Прэзідэнт звярнуўся да пасла Расіі Дзмітрыя Мезенцава, які абяцаў садзейнічаць у павелічэнні колькасці авіарэйсаў у Расію пасля аднаўлення перавозак пасля пандэміі.

«Я ўдакладніў у людзей, якія збіраюцца рухацца самалётам — мы за 400 еўра з Масквы да Мінска не гатовы лётаць. Ад 200 да 400 (кошт білетаў — „Зв.“) — гэта ненармальна. Зразумела, што праблемы і ў Аэрафлота, і ў Белавія ёсць. Але гэта няправільна. Людзі лётаць не будуць. Запыт вялікі», — упэўнены кіраўнік краіны.

У размове з журналістамі Ігар Кобзеў расказаў, што рэгіён зацікаўлены ў маштабным лесааднаўленні, таму плануе наведаццца на беларускія лесапітомнікі. Плануе азнаёміцца з прамысловымі кластарамі па камунальнай тэхніцы. У праграме візіту таксама значыцца МТЗ.

Паведаміў Ігар Кобзеў і чаму ў параўнанні з мінулым годам зменшыўся таваабарот : «У мінулым годзе ў нас і па лініі дзяржабаронзаказу, і па лініі прамысловасці заказы былі. Сёння ёсць змяншэнне, але яго ёсць чым замяніць».

Марыя ДАДАЛКА

Фота БЕЛТА

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.