Вы тут

Натарыяльны архіў Гродзеншчыны пераехаў у новы будынак


Больш як 30 тысяч натарыяльных дакументаў з 1948-га па 2013 гг. цяпер будуць захоўвацца на мабільных стэлажах, якія абаронены ад пылу, святла, вільгаці і іншага ўздзеяння, якое супрацьпаказана паперам. У новым памяшканні створана спецыяльная сістэма вентыляцыі і падтрымання пэўнай тэмпературы. А фонды архіву абласной натарыяльнай акругі пастаянна папаўняюцца за кошт перадачы дакументаў з пасялковых і сельскіх выканкамаў Гродзенскай вобласці.


У сучасны будынак разам з архівам пераехала Гродзенская абласная натарыяльная палата і натарыяльная кантора № 2 Ленінскага раёна абласнога цэнтра. Падчас урачыстага адкрыцця Алег СЛІЖЭЎСКІ, міністр юстыцыі Беларусі, выказаў меркаванне, што камфартабельнае і тэхнічна абсталяванае памяшканне створыць неабходныя ўмовы не толькі для прадуктыўнай работы, але і забяспечыць даступнасць паслуг для насельніцтва.

— Адна з важнейшых функцый натарыята — захаванне і ўлік натарыяльных дакументаў, якія перададзены ў натарыяльны архіў. А гэта немагчыма без памяшкання, абсталяванага найноўшымі сістэмамі, якія забяспечваюць ахову і пажарную бяспеку. Адкрыццё новага будынку — гэта стварэнне ўмоў для своечасовага і паўнавартаснага вырашэння задач, якія стаяць перад натарыятам.

Дзейнасць беларускай натарыяльнай палаты і яе тэрытарыяльных палат скіравана на падтрыманне прэстыжу і аўтарытэту натарыяту. Гэтаму садзейнічае паспяховая рэалізацыя ўскладзеных на органы натарыяльнага самакіравання функцый па забеспячэнні даступнасці і якасці натарыяльнага абслугоўвання, адзінства правапрымяняльнай практыкі ў натарыяльнай дзейнасці, павышэння кваліфікацыі натарыусаў.

— Ужо шэсць гадоў беларускі натарыят працуе на ўмовах самакіравання і самафінансавання, а паўнамоцтвы натарыусаў паступова пашыраюцца. Працягваецца работа па актыўным ўкараненні інфармацыйных тэхналогій і пашырэнні пераліку бясспрэчных патрабаванняў, якія могуць быць задаволены на падставе выканаўчага надпісу натарыуса, — дадаў міністр.

Ён спадзяецца, што памяшканне Гродзенскай абласной натарыяльнай палаты стане не толькі месцам правядзення рэгіянальных мерапрыемстваў, але і пляцоўкай для правядзення агульнарэспубліканскіх і міжнародных сустрэч.

Ірына СІДАРОК

Прэв’ю: Мінюст

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.