Iгнат Галавацюк — чэмпiён свету сярод студэнтаў, чэмпiён свету сярод юнiёраў, чэмпiён Беларусi, неаднаразовы прызёр этапаў Кубка свету па канькабежным спорце. Найлепшы канькабежац краiны.
— Мне, як маладому спартсмену, падабаецца, што «Звязда» не абыходзiць увагай маiх калег i моладзь. На старонках газеты можна завочна пазнаёмiцца з цiкавымi людзьмi i адкрыць для сябе штосьцi новае. Мы, спартсмены, стараемся паказваць добры вынiк не дзеля таго, каб пра нас напiсалi ў газетах, але заўсёды прыемна, калi цiкавяцца тваёй дзейнасцю. Праз iнтэрв'ю ў такой адметнай газеце, як «Звязда», мы можам раскрыць свой спорт, паказаць, якое цяжкае, але незвычайна рознабаковае спартыўнае жыццё. Так мы папулярызуем свой спорт, у маiм выпадку — канькабежны, i здаровы спосаб жыцця. Вельмi спадзяюся, што хоць адзiн чытач «Звязды» ўзяў прыклад са спартсменаў i пачаў весцi здаровы спосаб жыцця. Тады наша супрацоўнiцтва з журналiстамi можна лiчыць удалым.
Я хацеў бы параiць усiм чытаць «Звязду» хоць бы дзеля прыгожай беларускай мовы. Мы не заўсёды карыстаемся ёй у паўсядзённым жыццi, але забываць яе нельга. Я хачу пажадаць газеце больш нестандартных i актуальных тэм для матэрыялаў, такiх жа цiкавых герояў, як спартсмены, i адданых чытачоў.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
