Вы тут

Зяленскі абвясціў ва Украіне дзень трауру


Прэзідэнт Украіны Уладзімір Зяленскі абвясціў сёння ва Украіне дзень жалобы для ўшанавання памяці загінулых у выніку катастрофы ваеннага самалёта Ан-26 у Харкаўскай вобласці. Адпаведны ўказ быў падпісаны сёння, піша УНІАН.


Згодна з ім, у дзень жалобы на ўсёй тэрыторыі Украіны павінны быць прыспушчаны дзяржаўныя сцягі на дамах і будынках органаў дзяржаўнай улады, мясцовага самакіравання, дзяржаўных прадпрыемстваў, устаноў і арганізацый.

Усе забаўляльна-канцэртныя мерапрыемствы павінны быць адмененыя, а ў праграмы тэле- і радыёперадач унесены адпаведныя змены.

«Учора мы страцілі маладых хлопцаў-курсантаў і вопытных ваенных, у якіх наперадзе было ўсё жыццё і, упэўнены, не адна баявая перамога. Цяжка падабраць словы, каб выказаць боль ад гэтай страты. Цяжка знайсці патрэбныя фразы, каб суцешыць бацькоў, жонак і дзетак загінулых воінаў. Уся краіна сёння будзе ў смутку разам з іх сем’ямі. Я падпісаў указ аб абвяшчэнні 26 верасня днём трауру», - заявіў прэзідэнт Украіны.

Кіраўнік дзяржавы падкрэслівае неабходнасць аператыўнага высвятлення прычын авіякатастрофы і правядзення аб’ектыўнага і непрадузятага расследавання.

25 верасня ўвечары ў Харкаўскай вобласці паблізу Чугуева пацярпеў крушэнне вайсковы самалёт Ан-26, на борце якога знаходзіліся ваенныя лётчыкі і курсанты ўніверсітэта Паветраных сіл ім. Кажадуба.

На борце самалёта Ан-26 знаходзіліся 27 чалавек. На месцы катастрофы адразу знайшлі цела 22 загінулых, раніцай сёння — яшчэ аднаго. Працягваюцца пошукі яшчэ дваіх. Два чалавекі з траўмамі былі шпіталізаваны. Раніцай адзін са шпіталізаваных сканаў.

Следчыя ДБР адкрылі вытворчасць па факце парушэння правілаў палётаў і падрыхтоўкі да іх, што пацягнула катастрофу і цяжкія наступствы (арт. 416 Крымінальнага кодэкса Украіны).

Міністр абароны Андрэй Таран заявіў, што, паводле папярэдніх дадзеных, прычынай крушэння самалёта стала тое, што ён зачапіўся крылом за зямлю. Ан-26 быў 1977 года вытворчасці. На ім ажыццяўляліся трэніровачныя палёты.

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.