Раённы фестываль народнай творчасці «Глушанскі хутарок» пройдзе ў пасёлку Глуша Бабруйскага раёна 3 кастрычніка, паведамілі ў Магілёўскім аблвыканкаме, піша БелТА.
Для гасцей свята падрыхтавалі насычаную праграму: канцэрт калектываў мастацкай самадзейнасці і творчых груп устаноў культуры раёна, пленэр па кераміцы пад кіраўніцтвам народнага майстра Беларусі Юрыя Боўды, конкурс беларускай песні. Акрамя гэтага, падчас фестывалю пройдзе конкурс мясцовых фальклорных абрадаў, будуць працаваць выставы продажу сельскагаспадарчай прадукцыі і вырабаў майстроў дэкаратыўна-прыкладнога мастацтва, адбудзецца дэгустацыя страў нацыянальнай кухні.
«На працягу ўсяго дня на фестывалі будуць працаваць разнастайныя тэматычныя пляцоўкі. Запланавана забаўляльная праграма і для дзяцей», — адзначылі арганізатары.
Завершыцца раённы фестываль народнай творчасці падвядзеннем вынікаў.
Прэв’ю: komkur.info
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».