У мінскай школе праводзілася эвакуацыя праз паведамленне аб мініраванні

30 верасня у адной са школ сталіцы праводзілі эвакуацыю праз паведамленне аб мініраванні. Яно не пацвердзілася, паведаміла прэс-сакратар МУС Вольга Чамаданава ў тэлеграм-канале.

На электронную пошту сталічнай міліцыі паступіла паведамленне аб небяспецы. У лісце было пазначана, што ў адной са школ сталіцы закладзена выбуховае прыстасаванне.

Да месца для абследавання тэрыторыі прыбылі праваахоўнікі, якія прынялі неабходныя меры для забеспячэння бяспекі грамадзян. Эвакуіравана каля 300 чалавек. Асоба аўтара фальшывага паслання высвятляецца.

Гэта не першае паведамленне аб небяспецы, якое паступіла ў АУС з пачатку года. Ва ўсіх выпадках інфармацыя не пацвярджалася, небяспечных прадметаў выяўлена не было.

Прэв’ю: белореченскийрайон.рф