Вы тут

Працавала ў Ліепаі экаталака


У Сусветны дзень чысціні, які адзначаецца 19 верасня, ва ўборцы тэрыторыі горада паўдзельнічала ліепайская беларуская суполка “Мара”.


Абед пасля працы на свежым паветры

Чулі пра Сусветны дзень чысціні? Гэта міжнародны рух энтузіястаў, штогадовая падзея. А ўпершыню Дзень чысціні прайшоў у Эстоніі 15 верасня 2018 года. Мэта руху: дапамагчы людзям глыбей усвядоміць маштабы праблемы адходаў і зрабіць пасільны ўнёсак у яе вырашэнне. Гэта была найбуйнейшая ў гісторыі грамадзянская ініцыятыва: у адзін дзень у парадак сваю зямлю прыводзілі жыхары 158 краін.

У суботу, 19 верасня, ва ўборцы тэрыторыі горада паўдзельнічала ліепайская беларуская суполка “Мара”. І такім чынам адкрываўся ў нас ужо сёмы сезон праекта “Латвія і Беларусь. Насустрач адзін аднаму”. Удзельнікі праекта — навучэнцы Ліепайскага марскога каледжа, Ліепайскага дзяржаўнага тэхнікума і Ліепайскай сярэдняй школы Ліедага. Усе гады кіруюць праектам актывісты суполкі “Мара”.

Па традыцыі праект стартаваў правядзеннем экаталакі: мы прыводзіліся ў парадак месцы адпачынку “Беберліні” ў Ліепаі. Падлеткі мелі магчымасць таксама паўдзельнічаць у спартыўных спаборніцтвах. А ў канцы талакі ды гульняў на свежым паветры вельмі дарэчы прыйшлася бульба з мясам — гатавалі страву на адкрытым агні — ды гарбатка з духмяных лясных ягад.

У плыні праекта “Латвія і Беларусь. Насустрач адзін аднаму” плануецца шэраг розных імпрэзаў, мэта якіх — пазнаёміць хлопцаў і дзяўчат, якая жывуць у Латвіі ды прадстаўляюць розныя нацыянальнасці, з традыцыямі беларускага й латвійскага народаў. А мэта экаталакі — згуртаваць удзельнікаў праекта для далейшай супрацы. “Падлеткі спагадныя, з вялікім задавальненнем прынялі ўдзел ва ўборцы тэрыторыі”, — адзначае кіраўніца праекта Жанна Буйніцкая. З радасцю падзялілася назіраннем: за час пасля завяршэння 6‑га сезона праекта (летась у снежні) да пачатку новага яго ўдзельнікі з нецярпеннем чакалі такіх імпрэзаў ды, вядома ж, рыхтуюцца да чарговай паездкі ў Беларусь.

Анжэла Фаміна, г. Ліепая

Выбар рэдакцыі

Спорт

Аляксей Талай: Я сабе паблажак не даю

Аляксей Талай: Я сабе паблажак не даю

Чорны пояс па таэквандо і светлы шлях па жыцці плыўца-параалімпійца.

Грамадства

Патрыятычны марафон, флэшмобы, велапрабегі. Якія мерапрыемствы запланаваны ў рэгіёнах у гонар Дня Дзяржаўнага герба і Дзяржаўнага сцяга?

Патрыятычны марафон, флэшмобы, велапрабегі. Якія мерапрыемствы запланаваны ў рэгіёнах у гонар Дня Дзяржаўнага герба і Дзяржаўнага сцяга?

Штогод у другую нядзелю мая ў нашай краіне адзначаецца Дзень Дзяржаўнага герба і Дзяржаўнага сцяга.