Вы тут

Генадзь Аўласенка на марыйскай мове


Творчасць беларускага дзіцячага пісьменніка, які жыве й працуе ў Чэрвені, на Міншчыне, добра вядомая ў многіх краінах. Вось і ў Марый Эл (Расійская Федэрацыя) з’явілася яго новая публікацыя.


У часопісе “Кече” (назва перакладаецца як “Сонейка”) (4‑ы нумар за 2019 год) пабачыла свет невялічкая казка Генадзя Аўласенкі. Яе пераклала Святлана Грыгор’ева-Сато. Дарэчы, наклад дзіцячага марыйскага выдання — 1100 асобнікаў. Пагадзіцеся, зусім няблага для колькасна невялікага народа. Галоўны рэдактар часопіса — пісьменніца Святлана Архіпава. Выдаўцом “Кече” выступае Выдавецкі дом “Марыйскае кніжнае выдавецтва” (дырэктар — пісьменнік і добры сябар беларускай літаратуры Юрый Салаўёў). Як бачым, з’яўленне казкі беларускага пісьменніка ў часопісе — зусім не выпадковае.

У беларускай ды марыйскай нацыянальных літаратур на сённяшнім этапе складваюцца неблагія дачыненні. Адзін з новых праектаў, над якім рупяцца ў Марыйскім кніжным выдавецтве, — анталогія беларускай дзіцячай літаратуры ў перакладах на марыйскую мову. Дырэктар выдавецтва Юрый Салаўёў, каментуючы гэты праект, адзначыў: ёсць спадзяванне, што яна прыйдзе да марыйскіх юных чытачоў ужо ў хуткім часе. Да таго ж ёсць у выдавецтве яшчэ адна цікавая задума: зрабіць і марыйскую кнігу Уладзіміра Караткевіча. Па словах Юрыя Салаўёва, беларуская літаратура — захапляльны мастацкі свет. І ён марыць пракласці ў яго шлях і чытачам розных узроўстаў з Марый Эл.

Кастусь Ладуцька

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.