Вы тут

Больш за 80 работнiкаў сацыяльнай службы ўзнагародзiлi ў Мiнску за дапамогу пажылым людзям у перыяд пандэмii COVID-19


Больш за 80 работнiкаў сацыяльнай службы ўзнагародзiлi ў Мiнску за дапамогу пажылым людзям у перыяд пандэмii COVID-19. Iм уручылi ганаровыя граматы i падзякi ад урада, Нацыянальнага сходу i Мiнiстэрства працы i сацыяльнай абароны за добрасумленную працу, высокi прафесiяналiзм i вялiкi асабiсты ўклад у работу па сацыяльнай падтрымцы грамадзян ва ўмовах дрэннай эпiдэмiялагiчнай сiтуацыi.


— Наша краiна прадэманстравала ўсяму свету, як трэба клапацiцца пра людзей сталага веку, — сказаў намеснiк прэм'ер-мiнiстра Iгар ПЕТРЫШЭНКА. — Дзяржаўная палiтыка накiравана на сацыяльную абарону пажылых грамадзян.

Вiцэ-прэм'ер адзначыў, што ўвесь свет гаворыць аб наблiжэннi другой хвалi каранавiруса, але Беларусь усю неабходную медыцынскую дапамогу i работу органаў сацыяльнай падтрымкi арыентавалi не па «хвалях» захворвання, а па рэальным кантролi той абстаноўкi, якая складваецца з захворваннем у краiне.

Сацыяльная служба сёлета прыняла дадатковыя меры для абароны пажылых людзей i iнвалiдаў ад вiрусных захворванняў. Пачынаючы з 20 сакавiка тэрытарыяльныя цэнтры сацыяльнага абслугоўвання насельнiцтва арганiзавалi дастаўку на дом прадуктаў харчавання, прадметаў першай неабходнасцi i лекаў пажылым грамадзянам i iнвалiдам. Работа праводзiлася ў цесным супрацоўнiцтве з Беларускiм таварыствам Чырвонага Крыжа, Беларускiм рэспублiканскiм саюзам моладзi i iншымi грамадскiмi арганiзацыямi. Адначасова тэрытарыяльныя цэнтры сiстэмна працягнулi сацыяльнае абслугоўванне больш чым 95 тысяч непрацаздольных грамадзян.

Мiнiстр працы i сацыяльнай абароны Iрына КАСЦЕВIЧ адзначыла: адмысловая дапамога патрабавалася адзiнокiм пажылым людзям. ТЦСАН забяспечылi выкананне больш чым 30 тысяч заявак па дастаўцы прадуктаў харчавання на дом.

«Вядома, была вялiкая дапамога з боку валанцёраў, але на перадавой стаялi менавiта мы», — дадала яна.

Асаблiвая ўвага аддаецца мерам супраць заносу каранавiруснай iнфекцыi ў стацыянарныя ўстановы сацыяльнага абслугоўвання i яе распаўсюджвання там. У такiх установах пражывае амаль 21 тысяча пажылых людзей i iнвалiдаў. Там штодня кантралююць стан здароўя пражываючых i работнiкаў. З улiкам патрэбнасцi сфармiраваны i падтрымлiваецца месячны запас сродкаў iндывiдуальнай аховы i прафiлактыкi, медыкаментаў i прадуктаў харчавання. З красавiка стацыянарныя ўстановы пачалi пераходзiць на вахтавы метад работы ў рэжыме поўнай iзаляцыi (14-дзённая работа персаналу без выхаду за межы ўстановы).

«Дамы-iнтэрнаты для пажылых людзей i iнвалiдаў працавалi ў закрытым рэжыме больш чым чатыры месяцы, некаторыя дамы-iнтэрнаты працягваюць так працаваць i зараз, зыходзячы з катэгорыi работнiкаў. Лiчу, мы здалi гэты экзамен з мiнiмальнымi стратамi. Самае галоўнае, што ў нас ёсць значная колькасць iнтэрнатаў, якiя перажылi эпiдэмiю з нулявым iнфiцыраваннем», — падкрэслiла мiнiстр.

Наталля ТАЛIВIНСКАЯ

Прэв’ю: БЕЛТА

Выбар рэдакцыі

Калейдаскоп

Тэст. Блізка да зор: беларусы і космас

Тэст. Блізка да зор: беларусы і космас

12 красавіка спаўняецца 60 гадоў першаму палёту чалавека ў космас.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні давядзецца сабрацца — ад вас спатрэбяцца стойкасць і цярпенне.

Культура

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Абеліск у памяць пра вязняў канцлагера стаіць крыху наводдаль.

Грамадства

Як засцерагчы сябе ад нітратаў?

Як засцерагчы сябе ад нітратаў?

Медыкі раяць налягаць на вясновую зеляніну.