Вы тут

Якія ювелірныя вырабы любяць беларускі?


У нашы днi па тым, што надзета на чалавека, досыць складана скласцi ўяўленне аб узроўнi яго даходаў. I гэта асаблiва прыкметна, калi казаць аб упрыгажэннях: сёння ў модзе бiжутэрыя —  недарагiя вырабы з некаштоўных металаў. Iх ахвотна носяць i старшакласнiцы, i паспяховыя дамы за сорак. Ювелiрныя ўпрыгажэннi, здаецца, сталi менш актуальныя —  сучасныя жанчыны лёгка абыходзяцца без iх. Але прадаўцы ювелiрных крам сцвярджаюць, што гэта не так.


—  Зразумела, што ювелiрныя вырабы —  далёка не прадмет першай неабходнасцi. Але ж людзi працягваюць гуляць вяселлi —  а значыць, будуць купляць шлюбныя i заручальныя пярсцёнкi. Заручальны —  гэта пярсцёнак, якi дорыцца дзяўчыне падчас прапановы рукi i сэрца, i яго носiць толькi яна, а шлюбныя пярсцёнкi —  i яна, i ён. У апошнi час заручальныя пярсцёнкi сталi часткай вясельнай традыцыi i ў Беларусi. Дзяўчынкам, калi праколваюць вушкi, па-ранейшаму прынята дарыць першыя завушнiцы з золата. Ну, i ювелiрныя ўпрыгажэннi па-ранейшаму застаюцца выдатным падарункам каханай жанчыне на любое свята, —  кажа Марына Кудрыцкая, прадавец ювелiрнага аддзела ў адным з гандлёвых цэнтраў сталiцы.

Што любяць беларускi?

Нягледзячы на ўзрушэннi i катаклiзмы, на якiя, мабыць, занадта багатая наша гiсторыя, у многiх сем'ях захавалiся «бабулiны куфэркi» з залатымi завушнiцамi i пярсцёнкамi. Звычайна ўнучкi такiя рэлiквii захоўваюць як памяць i надзяваюць рэдка. Ну, цi аддаюць у ювелiрную майстэрню, каб зрабiць з бабулiнага пярсцёнка нешта больш сучаснае. Лiчыцца, што золата i каштоўныя камянi —  гэта свайго роду «канстанта», «вечныя каштоўнасцi». Сапраўды, ёсць ювелiрныя ўпрыгажэннi «па-за часам» —  iх адрознiваюць простыя формы i дэмакратычны дызайн, не ўскладнены дадатковым дэкорам. Такiя ювелiрныя вырабы добра выглядаюць i ўдзень, i ў вячэрнiм вобразе. Але i ў ювелiрнай сферы iснуе мода, хай i не такая зменлiвая, як у сферы бiжутэрыi. Яе заканадаўцамi сёння з'яўляюцца ювелiрныя сталiцы свету —  Ганконг i Тайланд. Раз на год у Ганконгу праходзiць сусветная ювелiрная выстаўка —  там нараджаюцца iдэi, якiя потым «раз'язджаюцца па свеце», адаптуючыся ў кожнай краiне пад мясцовыя густы.

—  Беларускi рынак у асноўным аддае перавагу спакойным, няяркiм i някiдкiм упрыгажэнням: вырабы небуйныя, камянi невялiкiя. Вячэрнiя ювелiрныя калекцыi ў беларускiх ювелiрных крамах прадстаўлены не занадта шырока, таму што не вельмi запатрабаваныя, —  адзначае суразмоўнiца.

Хоць, як расказалi мне, бываюць выключэннi з правiла: каля чатырох гадоў таму ў адной з мiнскiх ювелiрных крам было прададзена калье з брыльянтамі за амаль 5 тысяч долараў —  вячэрняе ўпрыгажэнне. Але ў цэлым вячэрнiя аксесуары нашы жанчыны звычайна купляюць у аддзелах бiжутэрыi, а не ў ювелiрных крамах.

Цiкавы нюанс: беларускiя жанчыны, як i расiянкi, любяць так званы «англiйскi замок» у завушнiцах. У калекцыях жа для Заходняй Еўропы завушнiцы вырабляюцца звычайна з замком тыпу «цвiчкi» —  ён больш падабаецца еўрапейскiм жанчынам.

Калi казаць пра камянi, то, па словах прадаўцоў ювелiрных вырабаў, нашы жанчыны любяць тапазы —  блакiтныя, празрыстыя i не вельмi дарагiя. У славянскiх краiнах з усiх каляровых камянёў тапаз наогул найлепш прадаецца: ён падыходзiць пад найбольш распаўсюджаны ва Усходняй Еўропе колератып «лета» i пасуе практычна ўсiм славянкам без выключэння. Сталыя жанчыны просяць памераць пярсцёнкi i завушнiцы з рубiнамi. З імі часцей за ўсё прадаюцца пярсцёнкi вялiкiх памераў —  iх купляюць дамы ва ўзросце.

—  Рубiны ў модзе ўжо некалькi сезонаў, але гэтыя камянi могуць пры няправiльным выкарыстаннi зрабiць вобраз «старамодным», —  гаворыць Марына. —  Каб стыльна насiць iх маладой дзяўчыне, трэба дэталёва прадумваць свой вобраз.

Самы далiкатны з каштоўных камянёў —  iзумруд —  таксама падабаецца нашым жанчынам, але, аказваецца, з iм узнiкаюць праблемы. Справа ў тым, што кольцы i завушнiцы з iзумрудам патрабуюць вельмi беражлiвых адносiн —  ён лёгка трэскаецца, дае сколы, яго нескладана падрапаць.

—  Нашы жанчыны хочуць быць прыгожымi заўсёды. I калi прыбiраюць пакой або мыюць посуд, i калi капаюць бульбу, i калi пякуць пiрагi, яны, здараецца, не здымаюць з пальцаў пярсцёнкi. А ювелiрныя ўпрыгажэннi прызначаныя, каб адзяваць iх «на выхад», а дома зняць i пакласцi ў куфэрак. Калi насiць iх пастаянна, камянi могуць парэпацца (асаблiва гэта датычыцца iзумрудаў), а могуць змянiць колер —  яны ж таксама пэцкаюцца...

Калi гаварыць пра колеры, якiм аддаюць перавагу нашы жанчыны, мне расказалi, што, напрыклад, у ювелiрнай калекцыi ў срэбры з крышталямi Свароўскi добра прадавалiся ўпрыгажэннi ў блакiтным i зялёным колерах. А вось з аранжавымi крышталямi —  не пайшлi, нягледзячы на тое што ў нас нямала дзяўчат i жанчын з рудымi або каштанавымi валасамi i карымi вачыма.

Як выбiраюць «ювелiрку»?

Цi купляюць у Беларусi брыльянты? Уявiце сабе, бывае i гэта.

—  Кошт ювелiрных вырабаў з дыяментамi не заўсёды неверагодна высокi. Напрыклад, заручальны пярсцёнак з брыльянтам можна знайсцi нават за 400 рублёў. Так, гэта будзе вельмi маленькi каменьчык. Але не «асколкi», як часам кажуць пакупнiкi. Такога паняцця, як «асколкi брыльянта», у ювелiраў няма.

Брыльянт ювелiры ацэньваюць па чатырох крытэрыях, якiя i вызначаюць кошт каменя: памер, колер, чысцiня i група агранкi. Неспецыялiстам здаецца, што ўсе брыльянты белыя, на самай жа справе колер гэтага каменя ювелiры ацэньваюць па шкале ад 1 да 9, дзе адзiнка —  абсалютна белы камень, а чым блiжэй да 9, тым больш у яго колеры жаўцiзны. Больш жоўтыя брыльянты традыцыйна спалучаюць з чырвоным золатам —  тады жоўтае адценне не так прыкметнае. У белым i жоўтым золаце камень звычайна белы, а значыць, выраб даражэйшы. Чысцiня каменя —  гэта адсутнасць дэфектаў, расколiн, газавых бурбалак. Класiчная агранка брыльянта —  57 граняў, спрошчаная —  17 граняў.

Як пакупнiкi выбiраюць «ювелiрку»? Зразумела, што доўга i ўдумлiва —  пакупка ж нятанная. Мераюць, сыходзяць i вяртаюцца па некалькi разоў. Але бываюць, уявiце сабе, i ў гэтай сферы спантанныя пакупкi.

—  Некалькi гадоў таму на Новы год у Серабранцы ў ювелiрным аддзеле гiпермаркета мужчына купiў у падарунак завушнiцы амаль за паўтары тысячы долараў (у рублёвым эквiваленце, зразумела). Дзiўна: здавалася б, калi збiраешся выбраць дарагi ювелiрны выраб, iдзеш куды-небудзь у цэнтр горада, у «круты» магазiн на Нямiгу або на Карла Маркса. А ён прыбег 31 снежня ранiцай, купiў прадукты i — па завушнiцы для жонкi.

Дарэчы, адна з тэндэнцый ювелiрнай моды, якая ўжо досыць доўга на пiку папулярнасцi, —  залатыя i сярэбраныя вырабы ў незвычайных, нестандартных формах, з эмаллю, падобныя на бiжутэрыю. У Еўропе такiя вырабы запатрабаваныя. Нашым пакупнiкам, распавядаюць спецыялiсты, гэта не асаблiва цiкава: калi прапануецца, напрыклад, залатое ўпрыгажэнне з эмаллю, якое на першы погляд выглядае не як золата, а ты мусiш плацiць за гэты выраб як за золата —  вялiкай зацiкаўленасцi ў падобным няма.

А калi танней?

У ювелiраў iснуюць хiтрасцi, якiя дазваляюць адчувальна знiзiць цану на ювелiрны выраб. Напрыклад, так званыя пустацелыя ланцужкi (такiя нярэдка прывозяць дадому з курорта). Звяно ланцужка ўсярэдзiне не напоўнена золатам, а ўяўляе сабой пустую трубачку. Такiя ланцужкi ў носцы менш практычныя, яны рвуцца, а «кольцы» ланцужка дэфармуюцца. У пярсцёнках вытворца можа эканомiць метал на «шынцы». «Шынкай» ювелiры называюць адваротны бок пярсцёнка. Гэты адваротны бок робiцца тонкi, а асноўная маса металу выкарыстоўваецца на добрую частку пярсцёнка, якую мы бачым, калi ён на пальцы. Але праблема ў тым, што такая ненадзейная «шынка» можа лопнуць або пагнуцца —  наўрад цi такое ўпрыгажэнне праслужыць доўга i вы зможаце перадаць яго ў спадчыну дачцэ або ўнучцы.

У завушнiцах, каб зрабiць выраб таннейшым, вытворца можа палегчыць шлензу —  частку замка, якая хаваецца за вухам. I ў гэтым выпадку таксама ёсць верагоднасць, што зашпiлька зламаецца. Такiм чынам, набыццё несертыфiкаванай «ювелiркi», напрыклад, у маленькiх крамах на прыморскiх курортах, заўсёды ўтрымлiвае пэўную рызыку.

Як пачаць разбiрацца ў ювелiрных упрыгажэннях? Як навучыцца разумець, што насамрэч прыгожа, а што вульгарна? Толькi з дапамогай практыкi, кажуць ювелiры. Гэта ўменне выхоўваецца таксама, як уменне разбiрацца ў добрых вiнах або, напрыклад, у элiтных сырах. Тое, што сёння жанчыны нярэдка аддаюць перавагу дэмакратычнай бiжутэрыi, а не ўпрыгажэнням з каштоўных металаў, спецыялiсты ацэньваюць са знакам «плюс». Прынцып «дорага-багата» сыходзiць у мiнулае, i гэта добра. Па-першае, класная аўтарская бiжутэрыя фактычна можа каштаваць даражэй, чым нiзкапробнае залатое ўпрыгажэнне з фiянiтамi замест каштоўных камянёў. А па-другое, нават якасныя залатыя вырабы сёння не з'яўляюцца iнвестыцыяй —  калi, вядома, гэта не фамiльныя каштоўнасцi або не эксклюзiўныя ювелiрныя шэдэўры ад вядомых дызайнераў. Так што выбiраем тое, што нам па кiшэнi i па гусце —  i адчуваем сябе каралевамi!

Аляксандра АНЦЭЛЕВІЧ

Загаловак у газеце: Дорага-багата

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»