Вы тут

Гайдукевіч: Заклікаем нашых калег уключыць розум і кіравацца міжнародным правам і цвярозым сэнсам


Парламентарый агучыў заяву ад імя Пастаяннай камісіі Палаты прадстаўнікоў Нацыянальнага сходу Беларусі па міжнародных справах з нагоды заявы Сейма Латвійскай Рэспублікі «Аб законнасці мандату Прэзідэнта Беларусі», якая была прынятая 1 кастрычніка 2020 года.


«Заява Сейма выклікала непаразуменне і абурэнне ў той жа час, бо яна не адпавядае ні міжнародным нормам, ні правілам прыстойнасці, ні разуменню юрыдычных працэдур, — сказаў журналістам намеснік старшыні Пастаяннай камісіі Палаты прадстаўнікоў па міжнародных справах Алег Гайдукевіч. — Справа ў тым, што Беларусь — гэта суверэнная, незалежная дзяржава, мы заўсёды праводзілі сумленную палітыку ў адносінах да сваіх суседзяў, у тым ліку Латвіі. Ніколі не ўмешваліся ва ўнутраныя справы ніводнай дзяржавы. Мы заўсёды лічылі і лічым, што гэта ўнутраная справа людзей, якія там жывуць, яны павінны вырашаць лёс сваёй краіны. Дык навошта нам указваюць, як нам жыць? Навошта нам кажуць, як мы павінны праводзіць выбары, інаугурацыю? Гэта беларусы будуць вырашаць».

Толькі беларускі народ мае права вырашаць лёс краіны, падкрэсліў дэпутат.

«Разам з тым, мы заўсёды выступалі і будзем выступаць за добрыя, нармальныя, сяброўскія адносіны з Латвіяй, — дадаў Алег Гайдукевіч. — Мы шмат зрабілі для гэтага, таму заклікаем нашых калег уключыць розум і кіравацца міжнародным правам і цвярозым сэнсам. Але мы не дазволім умешвацца ва ўнутраныя справы Беларусі, мы не дазволім парушаць тое, што вырашыў беларускі народ, і будзем, паўтару, самі вырашаць свой лёс».

Намеснік старшыні Пастаяннай камісіі дадаў, што беларусы ніколі не даюць першымі нагоду для абвастрэння адносін.

«Мы ніколі не выказвалі ніводнай агрэсіўнай заявы ў адносінах да іншай краіны. Але мы ніколі не будзем маўчаць, калі бачым несправядлівасць і парушэнне закона ў адносінах да нас, — падкрэсліў ён. — А тут рашэнне не справядлівае. Гэта падвойныя, патройныя стандарты. Чамусьці ў адных краінах не робяцца ніякія заўвагі з нагоды геапалітыкі, а ў нас знаходзяць тое, чаго ніколі не было».

Заява Сейма не адпавядае і духу беларуска-латвійскіх адносін, лічыць Алег Гайдукевіч, бо ў апошнія гады ўдавалася выбудоўваць сяброўскія адносіны паміж краінамі.

«Навошта гэта ўсё зараз перакрэсліваць? Мы цудоўна разумеем, што за гэтым стаіць, што гэта — геапалітыка і ніякіх адносін да рэальнай сітуацыі ўнутры краіны і за яе межамі не мае», — рэзюмаваў ён.

Вольга МЯДЗВЕДЗЕВА

Прэв’ю: БЕЛТА

Выбар рэдакцыі

Грамадства

Азеляненне. У гарадах, на сельгаспрадпрыемствах, могілках, уздоўж трас і ў дварах

Азеляненне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.