Вы тут

У кастрычніку ў краіне стартуе першы этап рэпетыцыйнага тэсціравання


Падчас яго ўдзельнікі могуць азнаёміцца ​​з тэхналогіяй выканання тэставых заданняў, патрэніравацца ў запаўненні бланка адказаў, што ў будучыні мінімізуе рызыку дапусціць тэхнічныя памылкі падчас адказнага выпрабавання. Псіхалагічна да тэставай формы ўступных іспытаў усе ўжо даўно прызвычаіліся, а вось тэхнічная адаптацыя патрабуецца кожнаму новаму пакаленню абітурыентаў.


Рэпетыцыйнае тэсціраванне дае ўдзельнікам магчымасць праверыць свае веды па 15 вучэбных прадметах за курс агульнай сярэдняй адукацыі: у іх ліку беларуская мова, руская мова, матэматыка, фізіка, хімія, біялогія, гісторыя Беларусі, сусветная гісторыя навейшага часу, геаграфія, замежная мова і грамадазнаўства.

Пералік устаноў, дзе «рэпетыцыя» будзе праводзіцца па матэрыялах арганізатараў ЦТ, можна знайсці на сайце Рэспубліканскага інстытута кантролю ведаў (РІКВ).

Рэгістрацыя на рэпетыцыйнае тэсціраванне будзе ажыццяўляцца ў анлайн-рэжыме праз адзіную сістэму рэгістрацыі ў асабістым кабінеце ўдзельніка тэсціравання на сайце РІКВ. Гэта робіцца для зручнасці абітурыентаў, магчымасці аператыўна вырашаць пытанні, што ўзнікаюць у ходзе рэгістрацыі, і інфармавання абітурыентаў аб выніках рэпетыцыйнай спробы.

Каб зарэгістравацца для ўдзелу ў рэпетыцыйным тэсціраванні, абітурыент павінен зайсці ў свой асабісты кабінет на сайце rіkс.bу, выкарыстоўваючы ўкладку «РТ, оn-lіnе рэгістрацыя», увёўшы серыю і нумар дакумента, які сведчыць асобу, або пасведчання аб нараджэнні, і пароль.

Калі будучы абітурыент рэгіструецца для праходжання рэпетыцыйнага тэсціравання ўпершыню, ён павінен стварыць свой асабісты кабінет удзельніка рэпетыцыйнага тэсціравання на сайце РІКВ, выкарыстоўваючы ўкладку «РТ, оn-lіnе рэгістрацыя».

У асабістым кабінеце трэба зрабіць заяўку на ўдзел у першым раўндзе рэпетыцыйнага тэсціравання, выбраўшы пункт яго правядзення, дату, час здачы экзамену, навучальны прадмет і мову прадстаўлення тэста (беларускую ці рускую).

Удзел у рэпетыцыйным тэсціраванні аплачваецца з выкарыстаннем нумару асабовага рахунку, прысвоенага ўдзельніку ў момант стварэння асабістага кабінета на сайце РІКВ. Кошт удзелу ў рэпетыцыйным тэсціраванні (у тым ліку за прадастаўленне рашэнняў заданняў тэста для работы над памылкамі) складае 7.60 рублёў за адзін навучальны прадмет. Аплаціць паслугу неабходна на працягу 24 гадзін з моманту фарміравання заяўкі на ўдзел у тэсціраванні, але не пазней часу заканчэння рэгістрацыі (дату і час заканчэння рэгістрацыі ўстанаўлівае пункт правядзення тэсціравання). Працэс рэгістрацыі для ўдзелу ў РТ лічыцца завершаным толькі пасля здзяйснення аплаты.

Унесці грошы можна любым з даступных спосабаў, у тым ліку з выкарыстаннем банкаўскіх плацежных картак у аплатна-даведачных тэрміналах (інфакіёсках), плацежных тэрміналах і банкаматах, разлікова-касавых цэнтрах банкаў, з выкарыстаннем Інтэрнэт-банкінгу, мабільнага банкінгу або наяўнымі грашовымі сродкамі ў касах любога банка.

Таксама праз адзіную сістэму рэгістрацыі ў сваім асабістым кабінеце ўдзельнік тэсціравання можа перанесці здачу РТ на іншую дату — у тым выпадку, калі ён не можа прысутнічаць на рэпетыцыі экзамену ў прызначаны дзень.

Да пачатку ўступнай кампаніі абітурыенты змогуць праверыць свае веды некалькі разоў. Першы этап рэпетыцыйнага тэсціравання будзе доўжыцца да канца гэтага года. Другі этап пройдзе ў студзені — лютым. Трэці — у сакавіку — красавіку. Кожны раз варыянты, вынесеныя на «рэпетыцыю», будуць змяняцца.

Вынікі тэсціравання прыходзяць у асабісты кабінет. Пасля завяршэння кожнага з этапаў рэпетыцыйнага тэставання (у дваццатых чыслах снежня, лютага і красавіка) абітурыенты на сайце Рэспубліканскага інстытута кантролю ведаў у асабістым кабінеце ўдзельніка тэсціравання змогуць атрымаць рашэнне заданняў тэста для правядзення работы над памылкамі. Больш падрабязную інфармацыю можна знайсці ў раздзеле «РТ» «Памятка ўдзельніку РТ».

У 2019/2020 навучальным годзе Рэспубліканскі інстытут кантролю ведаў праводзіў трэці этап рэпетыцыйнага тэсціравання дыстанцыйна. Гэта было звязана з напружанай эпідэміялагічнай сітуацыяй у краіне па каранавірусу, каб зменшыць рызыку інфіцыравання. Ці будзе інстытут практыкаваць такі фармат РТ у новым навучальным годзе, пакуль невядома.

Надзея НІКАЛАЕВА

Фота Ганны ЗАНКАВІЧ

Выбар рэдакцыі

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.

У свеце

Блуканне па кілаватах. Чаму Літва загнала Прыбалтыку ў энергетычную яму?

Блуканне па кілаватах. Чаму Літва загнала Прыбалтыку ў энергетычную яму?

Для краін Балтыі ралі цэн на электрычнасць стала ўжо амаль звыклай справай. 

Культура

Дзе Якуб Колас сустрэўся з ваўком і чаму дзядзька Антось быў самотны

Дзе Якуб Колас сустрэўся з ваўком і чаму дзядзька Антось быў самотны

Трэцяга лістапада — дзень нараджэння класіка. 

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.