Вы тут

BelBookChallenge-2020


 

BelBookChallenge-2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет ўсё ніяк не падаваў вам знак, то – вось ён!

З 17 кастрычніка па 27 снежня ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Кніжны чэлендж – гэта абяцанне прачытаць кнігі са спісу за пэўны час. Кніжны чэлендж ад Нацыяналкі - гэта 12 пунктаў, якія мы прапануем вам выканаць да 27 снежня. У гэтых пунктах няма пэўных твораў – толькі тэмы, пад якія могуць падыходзіць дзясяткі кніг. Проза, паэзія, пераклады і, вядома ж, творы Караткевіча – у нашых тэмах любы знойдзе кнігі пад уласны густ. Такія розныя пункты спісу адкрыюць перад вамі новыя гарызонты і дапамогуць выйсці за рамкі звыклых літаратурных густаў. Хто ведае, можа, менавіта цяпер вы сустрэнеце ту-самую-кнігу!

Дык як прыняць удзел?

  1. Пачаць чэлендж можна ў любы дзень, а выконваць пункты – у любой паслядоўнасці. І чым раней пачнеце, тым больш паспееце прачытаць!
  2. Прачытаць 12 кніг да 27 снежня 2020. На кожную з тым - па адной кнізе. Не забудзьцеся: усе кнігі з вашага спісу павінны належаць беларускім аўтарам або быць перакладзенымі на беларускую мову.
  3. Пасля чытання кожнай кнігі трэба пакінуць водгук на яе ў сацсетках. Гэта можа быць кароткая рэцэнзія, вашыя чытацкія ўражанні ці што заўгодна, што пакажа: кнігу вы сапраўды прачыталі. Чэлендж – гэта выклік самому сабе, так што паспрабуйце не пісаць пра кнігі, якія ўжо чыталі. На 12 кніг – 12 водгукаў. Публікуйце свае рэцэнзіі ў адной з сацсетак (УКантакце, Facebook або Instagram) c хэштэгам #BelBookChallenge і указаннем пункта з нашага спіса, якому адпавядае абраная вамі кніга. Не забывайце ставіць хэштэг і адкрыць свой акаўнт, каб мы ўбачылі ваш водгук.

Вашы рэцэнзіі будуць актыўна репосціцца на старонках Нацыянальнай бібліятэкі ў сацсетках, а лепшыя чытацкія водгукі ў канцы чэленджа з'явяцца на сайце ў выглядзе асобнай падборкі! Акрамя таго, на працягу ўсёй акцыі ў нашых сацсетках будуць з'яўляцца падборкі рэкамендацый па кожнай з тэм – на той выпадак, калі вы заблукалі ў моры зборнікаў паэзіі з белай вокладкай або кніг Караткевіча пра дысыдэнтаў. А самых актыўных удзельнікаў кніжнага выкліку чакае прыз ад Нацыянальнай бібліятэкі!

Таму разгортвайце свае літаратурныя дзённікі, хапайце чытацкія білеты і наперад – да новых кніжных гарызонтаў! А калі вам цікава даведацца болей пра кніжныя чэленджы як з'яву культуры, то ў нас і пра гэта ёсць прыдатны матэрыял.

#BelBookChallenge – спіс тэм:

  • Кніга, намінаваная на літаратурную прэмію
  • Кніга, якую параіць вам бібліятэкар
  • Антыўтопія у беларускіх дэкарацыях
  • Кніга, дзе фігурыруе Кастусь Каліноўскі
  • Кніга, дзе ён яе кахае, а яна яго не
  • Кніга, дзе герой - дысідэнт
  • Зборнік паэзіі, які складаецца з верлібраў
  • Зборнік з пераважна белай вокладкай
  • Зборнік любоўнай лірыкі
  • Кніга, якая падабалася вам у дзяцінстве
  • Пераклад замежнай класікі
  • Кніга, перакладзеная з рускай мовы

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.