Вы тут

Да нас прыйшлі густыя туманы


Вятры, паветраныя масы з поўдня кантынента працягваюць падтрымліваць у нашай краіне не па сезоне цёплае надвор'е, якое па тэмпературных паказчыках больш адпавядае пачатку верасня. Толькі густыя туманы ўначы і раніцай нагадваюць нам пра тое, што на вуліцы ўжо першая дэкада кастрычніка, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У суботу ўмовы надвор'я будзе вызначаць вобласць павышанага атмасфернага ціску, сфарміраваная ў вільготнай паветранай масе, і малаактыўны франтальны раздзел. Будзе воблачна з праясненнямі. Уначы месцамі па паўднёвым усходзе, удзень у асобных раёнах краіны пройдуць кароткачасовыя дажджы. Месцамі нават удзень чакаецца туман. Вецер прагназуецца ў асноўным паўднёва-заходні, слабы. Тэмпература паветра ўначы складзе ад плюс 4 да 9 градусаў цяпла, месцамі — да плюс 12 градусаў. Удзень будзе цёпла — плюс 12—18 градусаў.

А вось у нядзелю да нас занясе некалькі малаактыўных атмасферных франтоў, якія перасоўваюцца з тэрыторыі Украіны. Паводле слоў сіноптыкаў, шмат дажджоў яны не прынясуць, але аблокаў будзе дастаткова. Месцамі па краіне пройдуць кароткачасовыя дажджы. У асобных раёнах уначы і раніцай — слабыя туманы. Вецер прагназуецца паўднёва-ўсходні, усходні ўмераны. Тэмпература паветра ўначы складзе ад плюс 6 да 12 цяпла, удзень — плюс 12—17 градусаў. Такі тэмпературны фон па-ранейшаму будзе вышэйшы за кліматычную норму.

Паводле папярэдніх прагнозаў айчынных сіноптыкаў, у пачатку наступнага тыдня захаваецца паступленне цёплых і вільготных паветраных мас з паўднёвых шырот. У панядзелак месцамі па краіне пройдуць кароткачасовыя дажджы. Уначы і раніцай чакаецца слабы туман. Тэмпература паветра ўначы складзе ад плюс 5 да 12 градусаў цяпла. Удзень стане крыху халадней — плюс 9—16 градусаў, па паўднёвым усходзе краіны — 17—19 цяпла.

Сяргей КУРКАЧ

Выбар рэдакцыі

Палітыка

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Спецыяльна дзеля свята кіраўнік дзяржавы раней вярнуўся з Душанбэ, дзе прымаў удзел у саміце АДКБ — ШАС. 

Культура

Музейшчыкі паказалі, як на галоўную вежу Старога замка ў Гродне нанеслі зграфіта

Музейшчыкі паказалі, як на галоўную вежу Старога замка ў Гродне нанеслі зграфіта

Гісторыка-археалагічны музей у Гродне апублікаваў на сваім YouTube-канале відэа, як стваралі зграфіт

Грамадства

Як пазбегнуць вучэбных перагрузак?

Як пазбегнуць вучэбных перагрузак?

Кожнаму з бацькоў хочацца, каб яго дзіця было рознабакова развітым, паспяховым у будучым. 

Грамадства

Адрасы адзінства: Як адзначылі свята ў розных кутках краіны

Адрасы адзінства: Як адзначылі свята ў розных кутках краіны

У кожным з гарадоў адкрываліся памятныя знакі, праходзілі экскурсіі і мітынгі.