Вы тут

Да канца года ў Гродзенскай вобласцi будзе лiквiдавана больш за 80 мiнi-палiгонаў


На гэтых плошчах пасадзяць лес, частка тэрыторыi адыдзе пад сельскагаспадарчую дзейнасць. У некаторых раёнах рэкультываваны ўсе мiнi-палiгоны, а iх тэрыторыi ўключаны ў землекарыстанне. Усяго за пяць гадоў у вобласцi лiквiдавана 417 такiх аб'ектаў.


Увогуле, у Беларусi стаiць задача поўнасцю закрыць мiнi-палiгоны да канца 2021 года. Гэта значыць вывесцi iх са строю i рэкультываваць. Такая ўстаноўка летась прынята ўрадам згодна з канцэпцыяй па стварэннi аб'ектаў па сарцiроўцы i выкарыстаннi цвёрдых бытавых адходаў i палiгонаў для iх захавання.

Цяпер у Гродзенскай вобласцi 92 мiнi-палiгоны, з якiх 84 будуць лiквiдаваныя сёлета. Астатнiя — у наступным годзе. Такiм чынам, у рэгiёне павiнна застацца 19 буйных палiгонаў, практычна па адным на кожны раён i абласны цэнтр. Але i гэта яшчэ не ўсё. Да 2030 года большасць з iх таксама падлягаюць лiквiдацыi. У iдэале павiнна застацца ўсяго чатыры вялiкiя рэгiянальныя палiгоны. Гэта значыць, што адзiн аб'ект з лiнiяй сарцiроўкi будзе прымаць адходы некалькiх раёнаў.

— На палiгоне павiнна выконвацца шмат патрабаванняў, гэта сур'ёзны аб'ект, якi скiраваны на ахову навакольнага асяроддзя, бо ўкладваецца спецыяльны iзаляваны пласт, вядзецца кантроль за станам грунтавых водаў i многае iншае. А мiнi-палiгоны адводзiлiся без усялякай абароны, многiя нават адкрывалiся без асаблiвых праектаў пры сельскiх Саветах, без выбару ўчастка i невядома як абслугоўвалiся. Зараз на гэтых тэрыторыях наводзiцца парадак, мiнi-палiгоны выводзяцца з абароту, закрываюцца. На тое выдзяляюцца бюджэтныя сродкi, — адзначыла начальнiк аддзела кантролю за абыходжаннем з адходамi Гродзенскага абласнога камiтэта прыродных рэсурсаў i аховы навакольнага асяроддзя Валянцiна Путро.

У Гродзенскай вобласцi працэс скарачэння мiнi-палiгонаў iдзе даволi актыўна. У Лiдскiм, Смаргонскiм i Слонiмскiм раёнах такiя аб'екты рэкультываваныя, а iх тэрыторыi ўцягнуты ў землекарыстанне. Калi пяць гадоў таму iх было больш за 500, то сёлета засталося некалькi дзясяткаў. Летась план па рэкультывацыi выкананы на 152 %. На закрытыя, але пакуль не рэкультываваныя аб'екты забаронена вывозiць адходы, там устаноўлены адпаведныя знакi.

У першую чаргу выведзены з эксплуатацыi тыя аб'екты, якiя не адпавядаюць патрабаванням. Найбольш распаўсюджанае парушэнне — гэта вываз другасных матэрыяльных рэсурсаў. Праверкi спецыялiстаў-эколагаў выявiлi амаль 500 такiх парушэнняў. Не ўсюды камунальнымi службамi выконваюцца работы па своечасовым ушчыльненнi адходаў. Таксама ёсць прэтэнзii i па стане пад'язных дарог.

lidanews.by

— Вiдавочна, як змянiлiся землi, вызваленыя ад смецця, вернутыя ў севазварот цi ўзноўленыя лесам. Прыязджаеш — i вока радуецца, гледзячы на такi парадак, — заўважае Валянцiна Путро. — I ўсё ж гэта работа наладжана не ўсюды. Асаблiва складана iдзе працэс на тых аб'ектах, якiя знаходзяцца на балансе сельскiх Саветаў. Яны хоць i закрытыя, але работы па рэкультывацыi не праведзеныя. У Шчучынскiм раёне, напрыклад, асвоена ўсяго 18 % сродкаў, якiя выдзелены на рэкультывацыю мiнi-палiгонаў. Гэта самы нiзкi паказчык па вобласцi.

Мiж тым, лiквiдацыя мiнi-палiгонаў дазволiць уцягнуць у гаспадарчы абарот каля 100 гектараў зямельных угоддзяў. Тут можна праводзiць сельгасработы, разбiваць сады i высаджваць лес. Так, нядаўна на месцы былога палiгона бытавых адходаў Лiдскага раёна высаджана 300 саджанцаў чырвонага дуба i граба. Акцыя адбылася ў рамках праекта па паляпшэннi кiравання аховай навакольнага асяроддзя на мясцовым узроўнi па Праграме развiцця ААН.

У тэму

Як паведамiлi ў абласным камiтэце прыродных рэсурсаў i аховы навакольнага асяроддзя, у Гродзенскай вобласцi стартаваў месячнiк па пасадцы дрэў у населеных пунктах. Далучыцца да карыснай справы можа кожны, хто пажадае. Пры гэтым ёсць магчымасць не толькi высаджваць дрэвы i кустоўе ў вызначаных месцах, але i самiм прапанаваць такiя тэрыторыi. Пачнецца акцыя 10 кастрычнiка. У гэты дзень запланавана азеляненне аднаго з гродзенскiх прадпрыемстваў i стварэнне алеi на ўездзе ў горад-спадарожнiк Скiдзель. Месячнiк працягнецца да 2 лiстапада. Летась падчас такой акцыi высаджана больш за 30 тысяч дрэў i кустоўя, сёлетняй вясной ужо пасаджана 22 тысячы зялёных насаджэнняў.

Маргарыта УШКЕВІЧ

Загаловак у газеце: Лес замест смецця

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.