Вы тут

Звяздоўская восень


У Беларусi знаходзіцца некалькi населеных пунктаў з назвай Звязда — цёзак нашай газеты. Вёска, пра якую гэты фотарэпартаж, месцiцца памiж лясным возерам Тэклiц i гасцiнцам мiжраённага значэння Лепель — Докшыцы.


Блакiтны ўказальнiк так запрашае збочыць i, калi пашанцуе, дык i сустрэць жыхароў-звяздоўцаў. Што я i паспяшаўся зрабiць.

Вёска Звязда не надта вялiкая — усяго толькi дзве паралельныя вулiцы. Правая з iх з'яўляецца першаасновай вёскi, якая ў свой час называлася Аўгустова. У пачатку сямiдзясятых мiнулага стагоддзя вёска ўзбуйнiлася новымi дамамi на новай вулiцы

Лагодная восень. Цяпло не спяшаецца пакiдаць Лепельскi край, таму ў Звяздзе яшчэ цвiтуць кветкi, асаблiва вяргiнi. Амаль у кожным падворку. Але найболей — у палiсаднiку i на агародзе Валянцiны Сiмака (другі здымак). Валянцiна Аляксандраўна працуе ў Пышнянскай бальнiцы сястрынскага догляду за старымi, а яе даўнiм любiмым заняткам застаюцца кветкi. Падумаць толькi, адных сартоў вяргiнь у аматаркi прыгожага болей за шэсць дзясяткаў! Дасюль красуюць хрызантэмы i аксамiткi, лiлеi i ружы. Восенню да Валянцiны прыязджае ўнук-трэццякласнiк Аляксандр Ганчар дапамагаць збiраць памiдоры-чэры ў цяплiцы.

Сёлета ў Звяздзе багаты ўраджай на фрукты, да гэтай пары сады палымнеюць сакавiтымi цыганкамi, антонаўкамi, штрыфелямi. Асаблiва ў Наталлi Галiнскай — маладой вясковай гаспадынi. Па-суседстве з падворкам Наталлi жыхары сталiцы аблюбавалi сабе ўчастак, i цяпер новы гаспадар Леанiд Зуй са сваiмi сынамi Раманам i Ягорам у першую чаргу садзiць дрэвы пад будучы сад. За нарэзкай антонавак для прыгатавання соку я ўбачыў Валянцiну Навагран — былога агранома i старшыню мясцовага сельскага Савета. У яе дом знаходзiцца побач з лесам i возерам — амаль у сапраўдным райскiм кутку.

На вулiцы Сонечнай сустрэў гасцiнную i надзiва сонечную жанчыну — пенсiянерку Любоў Скiбу. А ў яе цяплiцы я ўбачыў цэлы набор узораў сёлетняга ўраджаю. Але ўвесь агародны запас цяпер знаходзiцца ў склепе гаспадынi ў выглядзе слоiкаў-закатак.

Акрамя вулiцы Сонечнай у вёсцы ёсць i Азёрная. Якраз на гэтай я спаткаў заядлага рыбака Мiкалая Скiбу — мужа Любовi Iванаўны. Дарэчы, мужчынскае насельнiцтва Звязды — пагалоўна рыбакi. У такое надвор'е, як сёлета, сапраўдная любата пасядзець з вудай.

Анатоль КЛЯШЧУК

Фота аўтара

Выбар рэдакцыі

Культура

Валянціна Еранькова: «У маёй прафесіі ўсё магчыма, але недапушчальна абыякавасць»

Валянціна Еранькова: «У маёй прафесіі ўсё магчыма, але недапушчальна абыякавасць»

Валянціна Еранькова належыць да тых творцаў, што імкнуцца гаварыць пра важныя і жыццесцвярджальныя рэчы.

Калейдаскоп

Спосабы, якія палепшаць паводзіны вашага дзіцяці. Адказвае псіхолаг

Спосабы, якія палепшаць паводзіны вашага дзіцяці. Адказвае псіхолаг

Вам здаецца, што ваша дзіця ігнаруе вашыя просьбы і звароты да яго? 

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. На гэтым тыдні поспех гарантаваны вам, але толькі калі не будзеце ленавацца і ўвесь час адкладаць справы на заўтра.

Грамадства

«Пухнацікі» ў горадзе

«Пухнацікі» ў горадзе

На вуліцах і ў крамах з'явіўся навагодні антураж.