Спецыялісты Міністэрства юстыцыі, Беларускай натарыяльнай палаты, Рэспубліканскай калегіі адвакатаў і галоўных упраўленняў юстыцыі аблвыканкамаў і Мінскага гарвыканкама бясплатна пракансультуюць мам па пытаннях працоўнага, грамадзянскага, сямейнага і жыллёвага права.
Эксперты Мінюста будуць працаваць з мамамі 14 кастрычніка ў фармаце прамых тэлефонных ліній з 11.00 да 13.00. Пералік нумароў тэлефонаў і спецыялістаў ведамства можна знайсці на сайце Міністэрства юстыцыі і ў Тэлеграм-канале прэс-службы Мінюста.
Спецыялісты Беларускай натарыяльнай палаты запрашаюць жанчын, якія выхоўваюць траіх і больш дзяцей, звярнуцца да натарыуса па пытаннях спадчынных правоў, адчужэння маёмасці, складання завяшчанняў, засведчання даверанасцяў, здзяйснення выканаўчых надпісаў і іншых праблем, у вырашэнні якіх могуць дапамагчы натарыусы. Поўны спіс натарыяльных кантор і натарыяльных бюро, час іх працы і нумары тэлефонаў можна ўдакладніць на сайце belnotary.by ў раздзеле «Знайсці натарыуса». Фармат зносін з натарыусам таксама можна ўдакладніць па тэлефоне.
Адвакаты дапамогуць мамам вырашыць пытанні, якія датычацца сямейных, жыллёвых, грамадзянскіх і працоўных праваадносін. А медыятары раскажуць, як пазбегнуць сур'ёзных праблем з дапамогай аднаўленчай, школьнай і сямейнай медыяцый.
Ірына СІДАРОК
Мерапрыемства праводзіцца на добраахвотнай аснове.
Не выявіць ні секунды абыякавасці.
