Вы тут

У выхадныя магчымы першы мокры снег


Эх, якія цудоўныя паўтара месяца восені мы ўжо пражылі! Надвор'е ў гэтыя дні — проста выдатнае, амаль увесь час тэмпература была на 2—6 градусаў вышэйшай за кліматычную норму. Так будзе да чацвярга, а далей уладу ў свае рукі возьме другая палова сезону, так званая «панурая восень». А пакуль да сярэдзіны тыдня будзем радавацца паўднёваму цяплу, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.


У сераду мы апынёмся ва ўладзе атмасферных франтоў ад цыклона над Польшчай. Чакаецца, што будзе воблачна з праясненнямі. На большай частцы тэрыторыі краіны пройдуць кароткачасовыя дажджы. Вецер чакаецца заходні, паўднёва-заходні парывісты, уначы ў заходніх раёнах месцамі моцны парывісты. Тэмпература паветра ўначы будзе 7—13 цяпла, удзень — ад плюс 10 градусаў да 17 градусаў вышэй за нуль, па паўднёвым усходзе краіны — да 19 цяпла.

Першыя кроплі дрэннага надвор'я мы «зловім» ужо ў чацвер, калі пачне мяняцца накіраванасць паветраных патокаў. У дзённыя гадзіны паўднёвы вецер будзе пераходзіць на паўночна-заходні і стане паступаць халодная няўстойлівая паветраная маса. Вось тады і пачнецца пахаладанне. Уначы пераважна па паўночнай палове, удзень месцамі па краіне пройдуць кароткачасовыя дажджы. У начныя і ранішнія гадзіны — слабы туман. Тэмпература паветра ўначы складзе 3—10 цяпла, удзень — ад плюс 8 да плюс 15 градусаў, у паўднёва-ўсходніх раёнах — да 17 цяпла.

Паводле папярэдніх прагнозаў айчынных сіноптыкаў, у пятніцу халаднаватае паветра распаўсюдзіцца на ўсю Беларусь. Уначы будзе 2—8 цяпла, па паўднёвым усходзе — да плюс 10 градусаў. Удзень чакаецца ад 4 да 11 градусаў вышэй за нуль, па поўдні — на пару градусаў цяплей. Адчуванне холаду ўзмоцніць парывісты паўночна-заходні вецер. Сіноптыкі прагназуюць на выхадныя халоднае надвор'е, Уначы будзе ад нуля да плюс 2 градусаў, пры праясненнях — да мінус 2. Удзень чакаецца 4—10 цяпла. Месцамі на поўначы краіны пройдуць кароткачасовыя ападкі. Гэта будзе дождж, але ў некаторых раёнах не выключаны першы ў гэтым сезоне мокры снег. Усё мяняецца. Хутка, аднак...

Сяргей КУРКАЧ

Прэв’ю: belmir.by

Загаловак у газеце: Халодны пералом з сярэдзіны кастрычніка

Выбар рэдакцыі

Здароўе

Чаму беларусы не спяшаюцца прышчапляцца?

Чаму беларусы не спяшаюцца прышчапляцца?

Праз які час праводзіць рэвакцынацыю ад COVІD-19 і ці патрэбна яна ўвогуле?

Грамадства

Як абараніцца ад махляроў у сферы сучасных тэхналогій

Як абараніцца ад махляроў у сферы сучасных тэхналогій

Фішынг, вішынг — два кіты кіберзлачыннасці

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.