Вы тут

Збіраем грыбы правільна


Дрэннае веданне грыбоў, а таксама iгнараванне правiлаў iх збору i апрацоўкi цягнуць за сабой непрадказальныя наступствы — атручэннi грыбамi ад вострых формаў да смяротных выпадкаў. А па сваёй цяжкасцi вострыя атручэннi ядавiтымi грыбамi лiдзiруюць сярод усiх небактэрыяльных харчовых атручэнняў. Мiнiстэрства аховы здароўя нагадала правiлы збору i прыгатавання гэтых дароў прыроды.


Па стане на 8 кастрычнiка гэтага года ў краiне ўжо зарэгiстравана 36 выпадкаў атручэнняў грыбамi (Брэсцкая вобласць — 12, Мiнская — 7, Магiлёўская — 6, Гомельская — 5, Вiцебская — 3, Гродзенская — 2, г. Мiнск — 1) з агульным лiкам пацярпелых 43 чалавекi, з iх 7 — дзецi ва ўзросце ад 1 да 11 гадоў. Памерлі восем пацярпелых, у тым лiку адно 9-гадовае дзiця.

Атручэннi грыбамi маюць характэрныя прыкметы. Неядомыя грыбы ўтрымлiваюць моцныя яды, якiя не разбураюцца пры кулiнарнай апрацоўцы. Захворванне, як правiла, пачынаецца раптоўна, праз 3-12 гадзiн пасля ўжывання такiх грыбоў. Клiнiчная карцiна на пачатковых стадыях захворвання — рэзкi боль у жываце, рвота, панос, слабасць, галаўны боль. У далейшым могуць далучацца сутаргi, галюцынацыi.

Важна памятаць, што атручэнне можа наступаць не толькi ад ужывання атрутных па сваёй прыродзе грыбоў, але i ад так званых умоўна ядомых, калi не выконваць асноўныя правiлы iх прыгатавання. Да ўмоўна-ядомых грыбоў адносяцца некаторыя вiды сыраежак, свiнушкi, ваўнянкi, чарнушкi i iншыя. Iх пладовыя целы ўтрымлiваюць раздражняльныя, едкiя, горкiя ядавiтыя рэчывы, здольныя выклiкаць атручэннi.

Прычынай вострага атручэння могуць стаць i ядомыя грыбы, калi яны доўга знаходзiлiся без кулiнарнай апрацоўкi. Не рэдкасць — атручэннi недаваранымi i сырымi грыбамi.

Для таго каб пазбегнуць атручэння грыбамi, неабходна выконваць элементарныя правiлы прафiлактыкi:

  1. — збiраць толькi вядомыя грыбы (iснуюць спецыяльныя даведнiкi ядомых i атрутных грыбоў). Не ўпэўненыя — не бярыце;
  2. — пасля збору грыбы неабходна як мага хутчэй апрацаваць. Варта памятаць, што нават самы лепшы i , безумоўна, ядомы грыб, калi ён пераспеў, пачаў падгнiваць або доўга ляжаў без апрацоўкi, можа стаць атрутным;
  3. — не спрабаваць падазроныя грыбы на смак;
  4. — неабходна адварваць усе грыбы, а адвар злiваць, паколькi грыбы валодаюць здольнасцю паглынаць з навакольнага асяроддзя i назапашваць таксiчныя рэчывы ў канцэнтрацыях, якiя ў некалькi разоў перавышаюць утрыманне iх у глебе, вадзе, раслiнах;
  5. — салiць, сушыць, марынаваць кожны вiд грыбоў асобна;
  6. — нiколi не купляць на рынку i з рук грыбныя кансервы, герметычна закрытыя вечкамi ў хатнiх умовах, а таксама сухiя грыбы, грыбную iкру i розныя салаты з грыбамi;
  7. — не грэбаваць правiламi гатавання ўмоўна-ядомых грыбоў: iх неабходна мiнiмум двойчы адварваць, кожны раз не менш за 50 хвiлiн. Абодва разы грыбы пасля варкi трэба прамываць праточнай вадой.

Алена КРАВЕЦ

Загаловак у газеце: Не ўпэўнены — не бярыце

Выбар рэдакцыі

Грамадства

Як абараніцца ад махляроў у сферы сучасных тэхналогій

Як абараніцца ад махляроў у сферы сучасных тэхналогій

Фішынг, вішынг — два кіты кіберзлачыннасці

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.