Жураўлі ў аб'ектыве ляцяць

У ваколіцах балота Ельня, а гэта, між іншым, побач з Мёрамі, цяпер уладараць чароды пералётных жураўлёў.

Асабліва на тых палетках, на якіх была пасеяна кукуруза. Па падліках супрацоўнікаў рэспубліканскага ландшафтнага заказніка «Ельня» і тамтэйшых валанцёраў, на балотны масіў гэтымі днямі прыляцелі да шасці тысяч асобін гэтых птушак. Кожны дзень, асабліва ў выхадныя, тут збіраюцца ахвотныя (іх колькасць з году ў год расце) паназіраць за крылатымі «чырвонакніжнікамі». Гасцей суправаджае галоўны захавальнік Ельні — дырэктар самага вядомага ў краіне заказніка Іван БАРОК (на фота ў цэнтры).

Анатоль КЛЯШЧУК

Фота аўтара