Вы тут

У Гомельскім раёне праверяюць, як гатовы да халадоў жылыя дамы


На пачатку ацяпляльнага сезона спраўнасць электраправодкi i пячнога ацяплення ў жылых дамах — на асаблiвым кантролi ўдзельнiкаў назiральных камiсiй. У Гомельскiм раёне першы прафiлактычны рэйд правялi па тэрыторыi Прыбарскага сельсавета.


У шасцi населеных пунктах пражывае амаль дзве тысячы чалавек. Каля шасцiсот дамоў у мясцовых вёсках — з пячным ацяпленнем. Такiя домаўладаннi, вядома, на асаблiвым кантролi назiральнай камiсii. У яе складзе — кiраўнiцтва Прыбарскага сельвыканкама, iнспектар раённага аддзела па надзвычайных сiтуацыях, супрацоўнiкi «Гомельаблгаза» i «Энерганагляду», участковы iнспектар мiлiцыi, а таксама сацыяльны i медыцынскi работнiкi.

Рэйд правялi перш за ўсё па домаўладаннях аграгарадка Прыбар. Галоўная задача — ацанiць стан пячнога, газавага абсталявання, спраўнасць дымаходаў i электраправодкi ў дамах, дзе пражываюць шматдзетныя сем'i, адзiнокiя пажылыя людзi, iнвалiды.

— На асаблiвым кантролi, безумоўна, таксама жыллё сем'яў, якiя знаходзяцца ў сацыяльна небяспечным становiшчы. Пастаянныя адрасаты падобных рэйдаў i домаўладальнiкi, якiя злоўжываюць спiртнымi напоямi, — расказвае старшыня Прыбарскага сельскага Савета Ірына Горленка. — Летась па некалькiх адрасах мелiся заўвагi па супрацьпажарным стане пячнога абсталявання, сутуацыя была ў мяне на кантролi. Трэба адзначыць, што людзi выправiлiся, печкi ў iх адрамантаваныя, перад гэтым ацяпляльным сезонам прэтэнзiй да iх не ўзнiкла, — дадала Iрына Вiктараўна.

Падчас прафiлактычнага рэйду, на шчасце, сур'ёзных парушэнняў выяўлена не было, адзначылi супрацоўнiкi МНС.

— У некаторых дамах, праўда, адсутнiчаў аўтаномны пажарны апавяшчальнiк, — звяртае ўвагу iнспектар Гомельскага РАНС Анатоль Дзiчкоўскi i тлумачыць, што пры аглядах домаўладанняў на неабходнасць устаноўкi гэтага прыбора звяртаюць асаблiвую ўвагу. У ходзе рэйду грамадзяне таксама былi праiнструктаваны аб правiлах пажарнай бяспекi пры эксплуатацыi пячнога ацяплення:

— Тапiць у печы варта два разы на суткi — ранiцай i ўвечары. Выкарыстоўваць няспраўнае пячное ацяпленне катэгарычна забараняецца, бо гэта наўпрост вядзе да ўзнiкнення пажару. Нi ў якiм разе нельга даручаць топку печы дзецям, — падкрэслiў iнспектар.

У Прыбары назiральная камiсiя завiтала ў дом пенсiянеркi Тамары Кучынскай. Жанчыне распавялi аб выяўленых недахопах у арганiзацыi супрацьпажарнай бяспекi i нагадалi, што iх трэба лiквiдаваць у найблiжэйшы час. Сацыяльны работнiк патэлефанавала дачцэ пенсiянеркi i папрасiла дапамагчы мацi ў гэтай справе.

Мiж тым супрацоўнiкi «Гомельаблгаза» i «Энерганагляду» праверылi ў доме жанчыны спраўнасць электраабсталявання i праводкi, газазабеспячэння.

— Работа назiральных камiсiй неадночы даказвала сваю эфектыўнасць, — падкрэслiваюць удзельнiкi рэйду. — Бо менавiта дзякуючы сумесным намаганням атрымлiваецца выявiць фактары, якiя пагражаюць бяспецы грамадзян, i своечасова iх лiквiдаваць.

Адна з галоўных задач назiральных камiсiй — прасачыць меры рэагавання па кожным факце парушэння бяспекi жыццядзейнасцi грамадзян. Такая форма кантролю асаблiва эфектыўная ў рабоце з грамадзянамi, якiя злоўжываюць алкаголем, вядуць асацыяльны лад жыцця, маюць запазычанасцi па камунальных паслугах.

Пераступiўшы парог домаўладання, суб'екты прафiлактыкi прыступаюць да сваёй работы: прадстаўнiкi «Гомельаблгаза» аглядаюць катлы, газавыя плiты i звяраюць дадзеныя лiчыльнiкаў, медыкi ўдакладняюць звесткi пра наведванне палiклiнiкi, спецыялiсты сацыяльнай службы расказваюць аб паслугах, якiя можа аказаць цэнтр сацыяльнага абслугоўвання насельнiцтва. На кантролi прадстаўнiкоў «Энерганагляду» — стан электрычнай праводкi, электрапрыбораў у доме i спраўнасць лiчыльнiкаў.

Дарэчы, у населеных пунктах таго ж Прыбарскага сельсавета работнiкi МНС назiраюць добрую тэндэнцыю: сёння больш за 80 % дамоў у мясцовых населеных пунктах аснашчаны аўтаномнымi пажарнымi апавяшчальнiкамi, месцiчы карыстаюцца таксама сiгналiзатарамi ўгарнага газу.

Наталля КАПРЫЛЕНКА

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.