Вы тут

Памятныя медалі з Чувашскай Рэспублікі


Апошнім часам шырока развіваюцца беларуска­чувашскія літаратурныя, культурныя, гуманітарныя сувязі: паміж Беларуссю і Чувашскай Рэспублікай Расійскай Федэрацыі


Сведчаць пра гэта перш-наперш шматлікія публікацыі перакладаў твораў пісьменнікаў Чувашыі ў Беларусі ды беларускіх пісьменнікаў — у Чувашыі. У Чэбаксарах шмат для таго робіць Валеры Тургай: паэт, перакладчык, публіцыст, народны паэт Чувашыі. Ён падрыхтаваў і выдаў зборнік беларускай паэзіі на чувашскай мове. А ў Мінску ў серыі “Сябрына: паэзія народаў Расіі” выдадзены зборнікі вершаў Валеры Тургая і Мішы Сеспеля ў перакладзе Міколы Мятліцкага на беларускую мову.

Распараджэннем Кіраўніка Чувашскай Рэспублікі “за важкі ўнёсак у сацыяльна-эканамічнае развіццё Чувашскай Рэспублікі, духоўна-маральнае й патрыятычнае выхаванне яе насельніцтва ды іншыя заслугі перад Чувашскай Рэспублікай” памятным медалём “100-годдзе заснавання Чувашскай аўтаномнай вобласці” ўзнагароджаны дырэктар выдавецтва “Мастацкая літаратура”, паэт, празаік, перакладчык, літаратурны крытык Алесь Бадак, дырэктар — галоўны рэдактар Выдавецкага дома “Звязда”, галоўны рэдактар газеты “Звязда” Алесь Карлюкевіч, дырэктар Паліграфічнага камбіната імя Якуба Коласа Ігар Маланяк, лаўрэат Дзяржаўнай прэміі Беларусі, паэт, перакладчык Мікола Мятліцкі.

Сяргей Шычко

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».