Вы тут

Райніс падтрымліваў беларускую культуру


Беларусы вельмі ўдзячныя народнаму паэту Латвіі Яну Райнісу за падтрымку беларускай культуры і адукацыі


Ян Райніс і Янка Купала (у цэнтры), а таксама пісьменнікі з “Узвышша”

У Даўгаўпілсе прайшлі чарговыя вераснёўскія Дні паэзіі імя Яна Райніса. Класіку латышскай літаратуры, народнаму паэту Латвіі 11 верасня гэтага года споўнілася б 155 гадоў з Дня нараджэння. Як быццам сам Райніс, з’яўляючыся прыкладам дружалюбнасці і добразычлівасці да людзей розных нацыянальнасцяў, у чарговы раз сабраў разам усіх, хто любіць паэзію і піша на розных мовах. Гэта рознамоўе адлюстравана і ў штогадовым, трыццатым па ліку, калектыўным зборніку паэзіі “Dzejas dіenas”, дзе надрукаваны вершы на латышскай, латгальскай, рускай, беларускай і польскай мовах.

Ян Райніс падтрымліваў беларускую культуру і адукацыю. У 20–30‑я гады мінулага стагоддзя ў Латвіі працавалі беларускія школы, а ў Даўгаўпілсе — Беларуская дзяржаўная гімназія. Яна размяшчалася ў будынку на вуліцы Варшавас, 16, дзе пра гэта нагадвае мемарыяльная дошка, у свой час адчыненая дзякуючы старанням сяброў беларускага таварыства “Уздым”, Таварыства Латвійска-Беларускай садружнасці і генеральнага консула Анатоля Жаўтоўскага.

Падчас Дзён паэзіі ёсць добрыя традыцыі: наведванне магілы бацькі паэта Крыш’яніса Пліекшана на лютаранскіх могілках у Даўгаўпілсе і чытанне там вершаў, ускладанне кветак да помніка Райнісу каля Даўгаўпілскага ўніверсітэта, а таксама ўдзел у літаратурнай імпрэзе каля Дома-музея Райніса ў Беркінэлях у Даўгаўпілскім краі.

Знакавай падзеяй сёлетніх Дзён паэзіі з’яўляецца тое, што пакладзены пачатак стварэнню Таварыства Райніса. З ініцыятывай гэтага пачынання выступіў рыжскі паэт Сяргей Пічугін, а даўгаўпілскія паэты і грамадскія дзеячы адгукнуліся на яго прапанову. Наперадзе нас чакае ажыццяўленне новых ідэй, звязаных з імем Яна Райніса.

Станіслаў Валодзька

Выбар рэдакцыі

Грамадства

Распачынаецца сезон атракцыёнаў. Хто і як сочыць за іх станам?

Распачынаецца сезон атракцыёнаў. Хто і як сочыць за іх станам?

У Беларусі адпрацавала 65 % атракцыёнаў (160 штук), а многія працуюць і звыш 30 гадоў.

Эканоміка

Як выбраць кватэру на другасным рынку

Як выбраць кватэру на другасным рынку

За апошнія некалькі месяцаў рынак другаснага жылля прыкметна ажывіўся. 

Грамадства

Каб набываць тавар бяспечна, ці Як абараніць правы спажыўца

Каб набываць тавар бяспечна, ці Як абараніць правы спажыўца

У краіне на 11 % знізілася агульная колькасць зваротаў грамадзян, звязаных з парушэннем правоў спажыўцоў. 

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.