Вы тут

Вялікі тэатр Беларусі пакажа «Царскую нявесту» з удзелам сусветных зорак оперы


Спектакль Мікалая Рымскага-Корсакава «Царская нявеста» з удзелам сусветных зорак оперы Надзеі Кучар і Аксаны Волкавай адбудзецца 25 кастрычніка ў Вялікім тэатры Беларусі, піша БЕЛТА са спасылкай на арганізатараў.


Перад гледачамі разгорнецца драма на фоне падзей эпохі Івана Грознага. Дзве прымы сусветнай оперы Надзея Кучар і Аксана Волкава будуць змагацца за сэрца Станіслава Трыфанава. Выключна на сцэне. Таксама ў галоўных партыях — Андрэй Валенцій, Алег Мельнікаў, Аляксандр Міхнюк, Аляксандр Жукаў, Святлана Марусевіч, Марына Мароз, Марына Аксёнцава.

За дырыжорскім пультам — заслужаны дзеяч мастацтваў Беларусі Мікалай Калядка. Паводле яго слоў, «Царская нявеста» — опера, якая цікавая ўсім пакаленням слухачоў, і перш за ўсё — праўдай пачуццяў. «Такія вечныя тэмы, як здрада, узаемнае і нераздзеленае каханне, лёс, разбураючая шчасце ўлада, раскрыты шчыра, моцна і зразумелыя кожнаму. А вось калі адысці ад бытавога разумення сюжэту, убачыць сапраўды трагедыйны размах, можна разгадаць містычную тайну гэтай оперы, схаваную ў цудоўнай музыцы, цудоўным тэмбравым гучанні аркестра, неверагодна меладычным вакале, драматычным выкананні», — сказаў ён.

Пераможца многіх міжнародных конкурсаў, у тым ліку «Спявак свету — 2015» у Кардыфе, лаўрэат дзвюх «Залатых масак», уладальніца сапрана Надзея Кучар прызналася, што для яе роля Марфы была марай. «Гэта опера была для мяне сапраўдным адкрыццём і чымсьці неверагодным застаецца дагэтуль. Я адчуваю гэту музыку і эмацыянальную драматычную нагрузку, якая ў ёй закладзена, проста на 200 працэнтаў», — адзначыла яна.

Опера «Царская нявеста» — адзін з першых твораў, з якога пачыналася гісторыя Вялікага тэатра Беларусі. Першая пастаноўка на мінскай сцэне датуецца 1933 годам, партыю Любашы выканала легендарная Ларыса Александроўская. Праз пяць гадоў да спектакля звярнулася ўжо новая творчая група, а трэцюю пастаноўку ажыццявілі ў 1950-м. Розныя гады галоўныя партыі выконвалі Тамара Ніжнікава, Ірына Шыкунова, Наталля Касценка, Людміла Златава, Тамара Глаголева, Алена Бундзелева, Лідзія Галушкіна, Святлана Данілюк, Наталля Руднева і іншыя. У 2015-м опера зноў была пастаўлена ў тэатры. За гэту пастаноўку рэжысёр Міхаіл Панджавідзэ і мастак Аляксандр Касцючэнка былі ўдастоены спецыяльнай прэміі дзеячам культуры і мастацтва. Опера таксама атрымала Нацыянальную тэатральную прэмію, стаўшы лепшым оперным спектаклем 2016 года.

Прэв’ю: rg.ru

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.