Вы тут

У Барысаве зламыснік пасля крадзяжу сам патэлефанаваў пацярпеламу


37-гадовы барысаўчанін планаваў паездку ў Мінск на аўто каршэрынгавай фірмы. Месцам сустрэчы для атрымання машыны стала адна з АЗС горада. Мужчына разлічыўся за транспарт, сеў у яго і з'ехаў. Пры гэтым асабісты заплечнік з партманэ пакінуў на асфальце.


У гэты ж дзень з мужчынам звязаўся невядомы і паведаміў, што выпадковым чынам выявіў яго заплечнік. Незнаёмы высвятліў, што ўладальнікам забытага з'яўляецца дырэктар фірмы: усярэдзіне былі шматлікія візітоўкі, па якіх і ўдалося выйсці з ім на сувязь. Апошні быў рады сітуацыі, якая склалася, паколькі нават не мог уявіць, дзе пакінуў сваю маёмасць.

Заплечнік вярнуўся да законнага ўладальніка, вось толькі грошай і часткі маёмасці там ужо не было, паведамляе УУС Мінскага аблвыканкама. Мужчына быў вымушаны паведаміць пра гэта ў міліцыю.

У ходзе правядзення аператыўна-вышуковых мерапрыемстваў было ўстаноўлена, што да здзяйснення крадзяжу датычны той самы дабрадзей, 45-гадовы кіроўца таксі. У той дзень мужчына заехаў заправіцца на АЗС. Выходзячы з машыны, кінуў позірк на пакінуты заплечнік. І, паколькі было нешматлюдна, непрыкметна закінуў яго да сябе ў багажнік. А ўжо ад'ехаўшы, зазірнуў унутр знаходкі. Усё што ўяўляла для яго каштоўнасць: партманэ з грашыма, дзве партатыўныя прылады, ліхтар, - прыкарманіў.

Характэрна, што пасля здзяйснення крадзяжу таксіст сам патэлефанаваў пацярпеламу і паведаміў пра знаходку. Мужчына падахвоціўся адказаць за захаванасць маёмасці, пакуль уладальнік самастойна яго не забярэ.

Выйсці на след зламысніка дапамаглі ў тым ліку і запісы з камер відэаназірання, дзе выразна відаць, што акрамя кіроўца таксі ніхто да заплечніка не падыходзіў. Пасля барысаўчанін добраахвотна аддаў усё узятае, акрамя грошай, якія ўжо паспеў выдаткаваць на асабістыя патрэбы. У дачыненні да мужчыны распачата крымінальная справа за крадзеж.

Сяргей РАСОЛЬКА

Прэв’ю: alegria-realestate.com

Выбар рэдакцыі

Эканоміка

Прадукты для эфектыўнай энергіі: аксіяльны ветрагенератар, анодныя зазямляльнікі, керамзітапенабетон, паліўныя брыкеты

Прадукты для эфектыўнай энергіі: аксіяльны ветрагенератар, анодныя зазямляльнікі, керамзітапенабетон, паліўныя брыкеты

Пераможцы шостага конкурсу «Лідар энергаэфектыўнасці — 2020» сёлета ўдзельнічалі ў спаборніцтвах анлайн і гэтак жа атрымлівалі віншаванні. 

Культура

У Кіеве Уладзімір Караткевіч цудам выратаваўся ад аварыі і двойчы закахаўся

У Кіеве Уладзімір Караткевіч цудам выратаваўся ад аварыі і двойчы закахаўся

Горад, «дзе былі помнікі і прыгожыя будынкі, зялёныя бульвары і ціхія хаткі на ўскраінах, дзе быў нават універсітэт, а значыцца, існавала г

Грамадства

Прафесар Мiкалай Запрудскі: Вера ў дзiця — галоўны падарунак

Прафесар Мiкалай Запрудскі: Вера ў дзiця — галоўны падарунак

Для паспяховых школ характэрны клiмат высокiх чаканняў.