Наркалабараторыю па вытворчасці марыхуаны выявілі ў адным з прыватных дамоў супрацоўнікі крымінальнага вышуку Валожынскага РАУС сумесна з байцамі АМАП.
Па інфармацыі УУС Мінаблвыканкама, у жыллі аператыўнікі знайшлі таемнае памяшканне для вырошчвання высакаякасных канопляў і вытворчасці марыхуаны. Лабараторыя размяшчалася за шафай. 39-гадовы мінчанін да працы падышоў з усёй адказнасцю і ўлічыў усе нюансы: забяспечыў наркалабараторыю вентыляцыяй, таймерам святла, абаграваннем, наладзіў аўтаматычны паліў і сістэму падкормкі. Знутры памяшканне аббіў уцяпляльнікам і разбіў на некалькі сектараў, каб гатункі канабіса не перамяшаліся. Усяго мужчына паспеў вырасціць каля 20 кустоў марыхуаны рознымі спосабамі.
Падчас агляду жылля таксама выяўлена больш за 15 грамаў высушанага зелля, вагі, прыстасаванне для курэння, а на шафе «аграном-аматар» захоўваў газавую і пнеўматычную зброю.
Следчыя далі прававую ацэнку дзеянням затрыманага і распачалі крымінальную справу за незаконны абарот наркотыкаў.
Сяргей РАСОЛЬКА
Фота з сайта УУС Мінаблвыканкама
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
