Супрацоўнікамі аддзела крымінальнага вышуку Цэнтральнага РУУС г. Мінска затрыманы 38-гадовы гараджанін, які скраў з гаража свайго былога начальніка літыя дыскі і тарцавальную пілу, пасля чаго вывез выкрадзенае на арандаванай машыне. Агульная сума нанесенай шкоды склала 3000 рублёў.
У ходзе правядзення аператыўна-вышуковых мерапрыемстваў міліцыянерамі па падазрэнні ў здзяйсненні гэтага злачынства затрыманы мінчанін, які раней працаваў пад кіраўніцтвам пацярпелага. Высветлілася, што падазраваны мэтанакіравана арандаваў аўтамабіль на суткі і прыехаў на ім у гаражны кааператыў. Пракраўшыся ў бокс, мужчына выкраў колавыя дыскі з гумовымі покрыўкамі і тарцавальную пілу. Па інфармацыі ГУУС Мінгарвыканкама, пасля гэтага мінчанін накіраваўся ў ламбард, дзе здаў інструмент за 141 рубель 82 капейкі, а праз некаторы час выкрадзеныя аўтамабільныя колы рэалізаваў свайму знаёмаму за 350 рублёў. Атрыманыя грошы выдаткаваў на асабістыя патрэбы.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
